Avqustun 30-da Azərbaycan Respublikasının Xarici İşlər Naziri Elmar Məmmədyarov İranda keçirilən Qoşulmama Hərəkatının Zirvə toplantısında iştirakı çərçivəsində İranın İslam Şurası Məclisinin sədri Əli Laricani ilə görüşmüşdür.
Görüş zamanı iki ölkə arasındakı münasibətlər, əməkdaşlıq perspektivləri müzakirə edilmişdir. Azərbaycanın surətlə inkişaf etdiyini qeyd edən Ə. Laricani, ölkəmizin güclü dövlətə çevrildiyini vurğulamışdır. Ə. Laricani İranın Azərbaycanla əməkdaşlıqda maraqlı olduğunu söyləmiş, ölkəmizin ərazi bütovlüyünü və müstəqilliyini dəstəklədiyini bildirmişdir.
Nazir Elmar Məmmədyarov İran Parlamentinin sədrinə Ermənistan-Azərbaycan münaqişəsinin tənzimlənməsi prosesinə dair son durum haqqında məlumat vermiş və münaqişənin həlli üçün Ermənistanın işğalçı qüvvələrinin Azərbaycan torpaqlarından çıxarılmasının zəruriliyini vurğulamışdır. Azərbaycan üçün ən mühüm məsələnin torpaqlarımızın işğal olması məsələsi olduğu İranlı rəsminin diqqətinə çatdırılmışdır. Həmçinin Nazir E. Məmmədyarov Azərbaycanın gec-tez öz ərazi bütövlüyünü bərpa edəcəyini vurğulamışdır.
Görüşdə Nazir E. Məmmədyarov iki Azərbaycan vətəndaşı olan Şəhriyar Hacızadə və Fərid Hüseynovun həbs məsələsini qaldırmışdır. Nazir Azərbaycan şairlərinin həbsi məsələsinin dövlətimiz və xalqımız üçün böyük narahatçılıq doğurduğunu qeyd edərək, bu məsələnin tezliklə öz həllini tapacağına ümidvar olduğunu söyləmişdir.
Siyasət
-
“Abzas Media”nın həbsdə olan əməkdaşı Elnarə Qasımova saxlanıldığı 1 saylı Bakı İstintaq Təcridxanasından ictimaiyyətə məktub ünvanlayıb. Jurnalist məktubunda təcridxanada qadın məhbusların məruz qaldıqları hüquqsuzluqdan, fiziki və psixoloji zorakılıqlardan, qeyri-insani rəftardan söz açıb.
-
Dövlət başçısı “Uca Allahın kölgəsi” deyil, müəyyən müddətə götürülən hökumət idarəçisidir. Bunu “Ana Tili”nəşrinə müsahibəsində Qazaxıstan Prezidenti Kasım Jomart Tokayev deyib.
-
30 dekabr 2024-cü ildə Azərbaycan Liberal Partiyasınin (ALP) onlayn - Qurultayı keçirilmişdir. Qurultay partiyanın Nizamnaməsinə əlavələr etmiş, professor Lalə Şövkət xanımı ALP-nin lideri, Əvəz Temirxanı isə yenidən partiyanın sədri seçmisdir.
-
Azərbaycan, Ukrayna üzərindən Rusiya qazının tranzitinin dayandırılmasından sonra təbii qaz bazarında artan çətinliklər fonunda Avropa üçün əsas enerji tərəfdaşı kimi öz mövqeyini gücləndirir. On il davam edən tranzit marşrutunun sonunu göstərən bu kəsinti, qlobal mayeləşdirilmiş təbii qaz (LNG) bazarında rəqabəti artıracağı və alternativ enerji mənbələrinin qiymətlərini yüksəldəcəyi gözlənilir.
Rəy yaz