Emin Millinin sensasion müraciətinin arxasında nə durur?
Bakı/13.05.19/Turan: Bu yaxınlarda istefa vermiş "Meydan" TV-nin rəhbəri Emin Milli gözlənilməz müraciət edərək Azərbaycan hakimiyyətindən və müxalifətdən üzrxahlıq diləyib.
"İlham Əliyevdən də, Əli Kərimlidən də, hökümətdə, müxalifətdə olan müxtəlif insanlardan da həyatımın müxtəlif anlarında nifrət ifadə etdiyimə görə üzr istəyirəm", - o, Facebook səhifəsində yazıb.
Onun sözlərinə görə, İllər keçdikcə, həyat təcrübəsi artdıqca anlayırsan ki, tənqidin içində də belə nifrət olanda bu, qurucu yox, dağıdıcı bir rol oynayır.
"Ölkəmizdə o qədər nifrət var, o qədər etibarsızlıq var ki, mən artıq bu nifrətin içində boğuluram. Hamımız boğuluruq, amma çıxış yolu tapa bilmirik.
Hakimiyyət yalnız islahatlara getsə bizi də, özünü də xilas edə biləcək. Müxalifət isə heç nəyə baxmayaraq, nifrətə qalib gələ bilsə bu xalqı bir neçə addım irəliyə apara biləcək", - o yazıb.
Sonra o, maraqlı bəyanat verərək hakimiyyətin Əli Kərimlinin pasportunu qaytarmalı olduğunu bildirib və "bunun çox müsbət bir addım" ola biləcəyini vurğulayıb.
"Mən inanıram ki, biz hamımız birlikdə Azərbaycanın yeni hekayəsini yaza bilərik. Gəlin, buna cəhd edək. Birlikdə", - yaxın keçmişdə Azərbaycan hakimiyyətinin qatı tənqidçilərindən biri yazıb.
Son illər mühacirətdə yaşayan keçmiş siyasi məhbusun, gözlənilməz etirafının nə ilə əlaqədar olduğunu söyləmək çətindir. Həmkarları, müxalifət nümayəndələri və hakimiyyət hələlik Emin Millinin çağırışını şərh etməyiblər.-02B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz