Əmininin ölüm ildönümündə ABŞ İranı insan hüquqlarının pozulmasına son qoymağa çağırıb
Əmininin ölüm ildönümündə ABŞ İranı insan hüquqlarının pozulmasına son qoymağa çağırıb
Bazar ertəsi Mahsa Əmininin ölümünün ikinci ildönümündə ABŞ və müttəfiqləri iranlılara dəstək vəd ediblər və İranı insan hüquqlarının pozulmasına son qoymağa çağırıblar, xəbəri Turan-ın Vaşinqtondakı müxbiri verib.
"İranın yeni administrasiyasını vətəndaş cəmiyyətinə qarşı təzyiqi zəiflətmək və hicab taxılmasını təmin etmək üçün güc tətbiqinə son qoymaq vədini yerinə yetirməyə çağırırıq", deyə dövlət katibi Entoni Blinkenin və Avstraliya, Kanada, Yeni Zelandiya və Böyük Britaniyanın xarici işlər nazirlərinin birgə bəyanatında bildirilir.
Hicab taxmaqdan imtina edən Mahsa Əmininin ölümünün ikinci ildönümü ilə əlaqədar yayılan bəyanatda belə deyilir: "Biz İranda qadınların və qızların, həmçinin İranın hüquq müdafiəçilərinin insan hüquqları və əsas azadlıqları uğrunda gündəlik mübarizələrini dəstəkləyirik. 2022 və 2023-cü illərdə İranın təhlükəsizlik qüvvələrinin amansız rəftarı nəticəsində ən az 500 nəfər həlak olub və 20 000-dən çox insan saxlanılıb".
Dövlət Departamentinin mətbuat katibi Metyu Miller brifinqdə bildirib ki, ABŞ 500-dən çox İran məmuruna və təşkilatına qarşı sanksiyalar tətbiq edib.
Bazar ertəsi Amerikanın dini azadlıqlarıı müdafiə orqanı - USCIRF Bayden Administrasiyasını digər ölkələrlə birlikdə İran rejiminin vəzifəli şəxslərinə qarşı birgə sanksiyalar tətbiq etməyə çağırıb.
-
- İqtisadiyyat
- 17 Sentyabr 2024 10:53
-
- Maliyyə
- 17 Sentyabr 2024 11:18
Siyasət
-
2022-ci ilin fevralında Ukraynada genişmiqyaslı müharibənin başlanğıcından etibarən bu ölkədə Ukrayna ordusunun sıralarında döyüşən ən az 60 etnik azərbaycanlı həlak olub. Bu barədə Turan-a Ukrayna Azərbaycanlıları Birləşmiş Diasporunun mətbuat katibi Qalib Osmanlı bildirib.
-
Çərşənbə axşamı dövlət başçısı İlham Əliyev Əlcəzair Xalq Demokratik Respublikasının yeni səfiri Zəkiyyə İğılın etimadnaməsini qəbul edib.
-
Sentyabrın 16-dan etibarən ölkənin bir sıra hökumətyönlü KİV-ləri Çeçenistanda beş Azərbaycan vətəndaşının saxlanıldığı və Ukraynaya müharibəyə göndərildiyi haqqında məlumatlar dərc edir. Bu məlumatın mənbəyi açıqlanmır.
-
Bu yaxınlarda Gürcüstanda etirazların amansızca yatırılmasına cavab olaraq ABŞ hakimiyyəti bazar ertəsi Gürcüstan hökumətinin yüksək vəzifəli məmurlarına, həmçinin onların ailə üzvlərinə qarşı maliyyə sanksiyaları və səfər qadağaları da daxil olmaqla, yeni sanksiyalar tətbiq edildiyini elan edib, xəbəri Turan-ın Vaşinqtondakı müxbiri verib.
Rəy yaz