Erdoğan növbədənkənar prezident və parlament seçkilərinin vaxtını açıqladı
Bakı/18.04.18/Turan: Türkiyənin "Millətçi Hərəkat Partiyası"nın lideri Devlet Bahçelinin həftəlik qrup iclasında erkən seçkilər keçirilməsi çağırışından sonra aprelin 18-də Beştəpədə prezident Erdoğanla görüşüb, görüş yarım saat davam edib. Bu barədə Türkiyənin "haber.com" xəbər portalı məlumat yayıb.
Görüşdən sonra Erdoğan jurnalistlərə belə bir açıqlama verib: "MHP sədri D.Bahçeli ilə çox səmərəli görüş keçirdik. D.Bahçeli ilə dəfələrlə görüşərək, daxili və xarici siyasət barədə fikir mübadiləsi aparmışıq. Bahçelinin parlament və prezident seçkiləri keçirmək təklifini də dəyərləndirdik.
Bahçelinin təklifi səlahiyyətli qurumlarla müzakirə edilib və Türkiyənin üz-üzə olduğu məsələlərlə əlaqədar bu təklifə ciddi yanaşdıq.
Seçki məsələsini ölkənin gündəliyindən tez çıxarmaq üçün seçkiləri bu il iyun ayının 24-nə təyin etdik, millətimiz üçün xeyirli olsun".
Xatırladaq ki, Türkiyədə parlament və prezident seçkilərinin 2019-cu ildə keçirilməsi nəzərdə tutulurdu. -05D-
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz