Erməni mənbələr bildirirlər ki, dekabrın 16-da əsir götürülmüş 62 erməni hərbi qulluqçu Bakıya gətirilib

Bakı/20.12.20/Turan: Azərbaycan hakimiyyəti onlarda 62 erməni əsirin olduğunu təsdiqləyib. Bu barədə "Mənim addımım"  blokundan deputat Nazeli Baqdasaryan öz səhifəsində bildirib. Məlumatı “Sputnik” yayıb.

"lSofiya Ovsepyanla (deputat-red.) birlikdə bizim Rusiya sülhməramlılarının komandanı general Rüstəm Muradovla görüşümüz az öncə başa çatıb. General təsdiqləyib ki, rəsmi Bakı erməni tərəfdən 62 nəfərin əsir götürülməsini faktını qəbul edir", - Baqdasaryan yazıb.

Onun sözlərinə görə, bu, həmin insanların həyatına və sağlamlığına təminat verilməsi baxımından vacibdir. Onlar əsirlərin siyahısının azərbaycanlılara çatdırılması üçün sülhməramlıların rəhbərliyinə veriblər.

Həmçinin əsirlərin Bakıda olması təsdiqlənib. Növbəti mərhələdə əsirlərin vətənə təhlükəsiz qaytarılmasının vaxtı və şərtləri müzakirə olunacaq.

Azərbaycan hakimiyyəti erməni əsirlər  və onların Bakıya gətirilməsi ilə bağlı rəsmi məlumat yaymayıb.

Dekabrın 16-da günün ikinci yarısında Ermənistan KİV-də Hadrut yaxınlığında 60 erməni hərbçinin əsir alınması barədə məlumat və foto yayılıb. Bununla yanaşı, erməni hərbçilərin bir hissəsini – 30 nəfəri azərbaycanlı hərbçilər Rusiya sülhməramlılarına təhvil veriblər. Bu, Xin Tager və Xsaber kəndlərində iki gün davam edən döyüşlərdən sonra baş verib, əsir düşmüş erməni əsgərlərin qohumları bildiriblər.

Onların hamısı səfərbər olunaraq Ermənistanın Şirak vilayətindən Qarabağa göndərilib.0—