Açiq mənbələrdən foto.
Bakı/09.08.22/Turan: Ermənilər 1992-ci ilin mayında işğal etdikləri Laçın rayonunun Zabux kəndini 16 gün sonra tərk edəcəklər.
"Azadlıq Radiosu"nun Ermənistan xidmətinin reportajından göründüyü qədər, insanlar əşyalarını daşımağa başlayıblar. Onlar yerli hakimiyyətin yeni mənzil almaq üçün onlara təklif etdiyi 24,5 min dollar civarında təzminatın az olmasından gileylənirlər. Kənd sakinlərinin əksəriyyəti Qarabağda qalmamaq, Ermənistana getmək qərarına gəliblər.
Eyni zamanda, yerli hakimiyyət 40-a yaxın "mədəniyyət abidəsinin" təxliyəsi ilə məşğuldur. Bu, əsasən Qarabağ müharibələrinə aid abidələrdir.
Ermənilər 1998-ci ildə, Laçının işğalından 6 il sonra burada tikdikləri kilsənin aqibətindən narahatdırlar.
Xatırladaq ki, ermənilər Laçının özünü və iki kəndi - Zabux və Sus kəndlərini avqustun 25-nə qədər boşaltmalıdırlar. Laçın şəhərinin Azərbaycana qaytarılması haqqında razılaşma İkinci Qarabağ müharibəsinin yekunlarını əks etdirən 10 noyabr 2020-ci il tarixli üçtərəfli sazişdə nəzərdə tutulub. 02D
Siyasət
-
Son zamanlar Azərbaycan-Qərb münasibətləri tez-tez müzakirə olunur. Münasibətlərdə gərginlik hiss olunur, rəsmi şəxslər tərəfindən müxtəlif ittihamlar səslənir. Bəzi ekspertlər hesab edir ki, Azərbaycanın yeni vektorunda Qərbə yer yoxdur, əksinə ölkə siyasi müstəvidə Rusiyaya daha da yaxınlaşır. Hətta Ermənistanla-Azərbaycan arasında sülh müqaviləsinin da Rusiyaya görə imzalanmaması, rəsmi Bakının mövqeyi məhz Moskva ilə uzlaşdırması fikirləri səslənir.
-
Noyabrın 28-də Tbilisi Şəhər Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar qəbul edib. Sadıqov həbsinə etiraz olaraq 69 gündür aclıq edir.
-
Azərbaycan Xalq Cənhəsi Partiyasının lideri Əli Kərimli internet blokadasının gücləndiyini bildirib.
-
Noyabrın 27-də Xətai Rayon Məhkəməsində müdafiə tərəfin 1 saylı Bakı İstintaq təcridxanasında saxlanılan Toplum TV nəşrinin təsisçisi Ələsgər Məmmədlinin ev dustaqlığına buraxılması haqqında vəsatəti ilə bağlı onlayn iclas keçirilib.
Rəy yaz