Ermənistan 5 rayonu azad etməkdən imtina edib və Azərbaycandan qaz kəməri çəkəcək - Aleksandr Lukaşenko
Bakı/14.12.18/Turan: Belarus prezidenti Aleksandr Lukaşenko bu gün Rusiya KİV-lərinin nümayəndələri ilə görüşdə Rusiya və Belarusun Qarabağ münaqişəsinin həlli ilə bağlı təkliflərindən danışıb. Beləliklə, o, mərhələli həll nəzərdə tutan Rusiya planının mövcudluğunu təsdiq edib.
BELTA agentliyinin məlumatına görə, Lukaşenko deyib ki, Serj Sarkisyanın prezidentliyi dövründə bu məsələ Yerevanda KTMT sammiylərindən birində müzakirə olunub.
Belarus və Rusiya birgə mövqe tutaraq, zərurət olarsa, zəmanəti təmin etmək üçün hərbi kontingent göndərməyi vəd ediblər.
"Biz Putinlə birgə mövqe tutduq: Serj, bu 5 rayonu ver. Onları qaytarmamaq nə səbəb var, axı onlar boşdur. O deyir: qaytarsam, onlar orada yol çəkəcəklər, Qarabağı işğal edəcəklər və s. Və biz Putinlə dürüstlüklə söz verdik ki, öz qoşunlarımızı yeridəcəyik, buna imkan verməyəcəyik. O dedi: yox, biz bu addımı atmayacağıq, bunu istəmirik", deyə Lukaşenko bildirib.
Belarus liderinin sözlərinə görə, bu, onun üçün təəccübverici idi: "Niyə istəmirlər? 5 rayon boşdur. Bu, birinci addımdır. Onda Azərbaycan da, Ermənistanda həm KTMT-də, həm Aİİ-də olardı. Bu, Aərbaycanın bu təşkilatlara daxil olmasına imkan verən şərt idi.
Daha sonra Lukaşenko nizamlanma üçün daha bir təklifdən: Azərbaycandan Ermənistandan keçən qaz kəmərinin çəkilməsindən danışıb.
Onda Azərbaycan prezidenti Lukaşenkoya Ermənistan prezidenti ilə Ermənistandan qaz kəməri çəkilməsi haqqında danışmağı təklif edib. Belarus liderinin sözlərinə görə, Azərbaycan Ermənistana investisya etməyə də hazır idi.
"Və mən Serj Azatoviçin yanına getdim və bunu çatdırdım. Bundan da imtina etdilər", deyə Lukaşenko bildirib. -02D-
-
- İqtisadiyyat
- 14 Dekabr 2018 15:42
-
- Siyasət
- 14 Dekabr 2018 16:44
Siyasət
-
Bu gün “Toplum” İnternet televiziyasının əməkdaşı Cavid Ramazanov Bakı Şəhər Baş Polis İdarəsinə aparılıb.
-
Milli Məclisin sədri Sahibə Qafarova Monteneqroya rəsmi səfəri çərçivəsində bu ölkənin prezidenti Yakov Milatoviç ilə görüşüb.
-
Cümə günü ABŞ qanunvericilərinin ikipartiyalı qrupu insan hüquqlarının pozulmasına, o cümlədən siyasi müxalifətə zorakı repressiyalara görə Azərbaycanın yüksək vəzifəli məmurlarına qarşı sanksiyaların tətbiqini nəzərdə tutan qanun layihəsini təqdim edib, Turan-ın Vaşinqton müxbiri bildirib.
-
Cümə günü Janna Şahin və Cim Rişin rəhbərliyilə bir qrup amerikalı senator (12 həmkar) Gürcüstanın baş nazirinə məktub göndərib. Onlar öz maliyyələşməsinin 20 faizdən çoxunu xarici donorlardan aldığı təqdirdə qeyri-hökumət təşkilatlarını və müstəqil KİV-i "xarici agent" kimi qeydiyyatdan keçməyə məcbur edəcək qanun layihəsindən çox narahat olduqlarını bildiriblər. Turan-ın Vaşinqton müxbiri məumat verib.
Rəy yaz