Bakı/14.12.18/Turan: Dekabrın 14-də dövlət başçısı İlham Əliyev Bakıda səfərdə olan İranın informasiya və milli təhlükəsizlik naziri Seyid Mahmud Ələvini qəbul edib. Görüşün təfsilatı açıqlanmır.
Qeyd edək ki, bu, İran kəşfiyyatı rəhbərinin Azərbaycana ilk səfəridir. İndiyədək Ələvi İran ərazisini çox nadir hallarda tərk edib. Son vaxtlar İran hakimiyyəti Mosad və MKİ-nin bir neçə sövdələşməsinin, casus şəbəkəsinin ifşa olunduğunu bildirib. Bununla belə, bu günlərdə İranda böyük terror aktı olub, hakimiyyət bu hadisəyə görə təqsiri yenə sionistlərin üzərinə atıb.
Ələvinin səfərinin mümkün səbəbinə gəlincə, bu, Tehranın anti-İran sanksiyalarının tətbiqi və Bakının bunda iştirak edəcəyi ilə bağlı narahatlığı ola bilər.
Qeyd edək ki, bu, son bir həftədə Tehranın yüksək vəzifəli nümayəndəsinin ikinci səfəridir, bundan əvvəl İran sərhəd qoşunlarının komandanı Rezai Azərbaycana səfər edib. -02D-
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz