Azərbaycan XİN mətbuat katibi Leyla Abdullayeva
Ermənistan ATƏT-in Minsk Qrupu həmsədrlərinin çağırışına zidd olaraq sərhəddə vəziyyəti gərginləşdirir
Bakı/19.07.19/Turan: Ermənistanla sərhəddə Azərbaycan mövqelərinin atəşə tutulması və sərhədçi Ceyhun Bayramovun yaralanması ATƏT-in Minsk Qrupu həmsədrlərinin sülh çağırışına tamamilə ziddir. Bu barədə Azərbaycan XİN mətbuat katibi Leyla Abdullayeva dünən sərhəddə baş vermiş insidenti şərh edərkən bildirib.
L.Abdullayeva diqqəti ona yönəldib ki, Ermənistanın baş naziri Nikol Paşinyan münaqişənin həlli üzrə danışıqların konkret nəticə verməsi üçün Ermənistan və Azərbaycan xalqlarının maraqlarına cavab verən həllin əldə olunmasının vacibliyindən bəhs edib. Bu bəyanatın verilməsindən bir neçə saat sonra Ermənistan-Azərbaycan sərhəddində sözügedən insident baş verib. Həm də hadisə Ermənistan-Azərbaycan qoşunlarının təmas xəttində deyil, məhz Ermənistan-Azərbaycan sərhəddində baş verib.
"Belə olduğu halda, Ermənistan rəhbərinin sülh və münaqişənin həlli ilə bağlı dediklərinə necə inanmaq olar?! Baş vermiş hadisə ATƏT-in Minsk Qrupu həmsədrlərinin əhalilərin sülhə hazırlanması ilə bağlı məlum çağırışına tam şəkildə ziddir", - L.Abdullayeva vurğulayıb.
"Ermənistan rəhbərliyi, nəhayət, anlamalıdır ki, həm Ermənistan, həm də Azərbaycan xalqlarının marağında olan əsas məsələ bölgədə davamlı sülh və rifahın təmin olunmasıdır. Buna nail olmağın yeganə yolu isə hərbi işğal faktorunun aradan qaldırılması, Azərbaycanın işğal olunmuş torpaqlarının azad edilməsi və bu ərazilərdən didərgin salınmış məcburi köçkünlərin öz evlərinə geri qayıtmasının təmin olunmasıdır. Yalnız bundan sonra bölgədə hər iki xalqın marağına cavab verən dayanıqlı sülh, inkişaf və tərəqqi təmin olunacaq", - Azərbaycan XİN rəsmi nümayəndəsi bildirib.06D--
-
- Din
- 19 İyul 2019 12:54
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz