Ermənistan hələ Qarabağla bağlı danışıqları kimin - prezidentin, yoxsa baş nazirin aparacağına qərar verməyib
Bakı/25.07.18/Turan: Sentyabrda Azərbaycan və Ermənistan XİN başçılarının görüşü planlaşdırılır. Bu barədə Azərbaycan XİN başçısı Elmar Məmmədyarov bildirib.
"Brüsseldə 4 saata yaxın müzakirələr apardıq. Əlbəttə ki, qarşı tərəfə həm vəziyyəti, həm də sənədlərlə bağlı məlumatları dərindən öyrənmək üçün zaman lazımdır. Amma, çox güman ki, biz sentyabrda görüşəcəyik.
Biz həmsədrlərlə BMT Baş Assambleyasının iclası çərçivəsində görüş keçirmək qərarına gəlmişik", deyə Məmmədyarov bildirib. Amma görüş daha əvvəl də baş tuta bilər.
"Mən mövcud formatda və çərçivədə görüşün keçirilməsinə hazıram. Amma Azərbaycan tərəfi üçün danışıqların danışıqlar xətrinə deyil, nəticəyə yönəlik olması vacibdir.
Yüksək səviyyədə - prezidentlərin və ya baş nazirlərin görüşünə gəlincə, Ermənistan tərəfi danışıqların necə və hansı müstəvidə aparılması məsələsini araşdırmaq üçün zaman istəyib", deyə Məmmədyarov bildirib. -06D-
Siyasət
-
54 gündür aclıq edən ictimai fəal, I qrup əlil Famil Xəlilovun saxlandığı 1 saylı Bakı İstintaq Təcridxanasının rəisi Elnur İsmayılov oktyabrın 4-də onun haqqında yazılı surətdə tərifnamə-təşəkkürnamə imzalayıb. Təcridxananın rəisi Xəlilovun saxlandığı kameraya gələrək, yazılı tərifnaməni rəsmən təqdim edib, onu nümunəvi məhkum kimi digər məhkumlara təqdim edib.
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
Rəy yaz