![Ermənistan itkin düşmüş şəxslərin taleyinə aydınlıq gətirmək üçün əməkdaşlıq etmir - Əli Nağıyev](https://turan.az/resized/news/2023/sld4JcsboYdnKXoMeQkN2jEn5Ry4o3lFTeDwWzhJ-750-500-resize.webp)
Ermənistan itkin düşmüş şəxslərin taleyinə aydınlıq gətirmək üçün əməkdaşlıq etmir - Əli Nağıyev
Ermənistan Birinci Qarabağ müharibəsi zamanı öldürülən şəxslərin kütləvi dəfn yerlərinin axtarışı və itkin düşmüş şəxslərin taleyinə aydınlıq gətirilməsi üçün Azərbaycanla əməkdaşlıqdan müxtəlif bəhanələrlə imtina edir. Bu barədə Dövlət Təhlükəsizliyi Xidmətinin (DTX) rəhbəri və Əsir və itkin düşmüş, girov götürülmüş vətəndaşlarla əlaqədar Dövlət Komissiyasının sədri Əli Nağıyev noyabrın 14-də ATƏT Parlament Assambleyasının prezidenti Piyey Kaumanla görüşdə bildirib.
Nağıyev qeyd edib ki, Birinci Qarabağ müharibəsindən sonra 4 minə yaxın azərbaycanlı itkin düşmüş hesab olunur və Ermənistan tərəfi onların taleyi haqqında məlumat verməkdən imtina edir. Onun sözlərinə görə, torpaqların işğaldan azad edilməsi kütləvi dəfn yerlərinin axtarışını asanlaşdırsa da, bu yerlərin əksəriyyətini tapmaq hələ mümkün olmayıb.
Azərbaycan regionda möhkəm sülhün və sabitliyin bərqərar olunması üçün səylərini əsirgəmir, mehriban qonşuluq və dinc şəkildə birlikdə yaşamaq prinsiplərinə sadiqdir, Qarabağ ermənilərinin təhlükəsiz yaşamasına hərtərəfli zəmanət verir və Ermənistanla münasibətləri normallaşdırmağa və sülh müqaviləsi bağlamağa hazırdır, deyə Nağıyev bildirib.
Eyni zamanda, o, bəzi ölkələrin Ermənistanı silahlandırmasının yolverilməz olduğunu, bunun vəziyyətin gərginləşməsinə və müharibənin bərpa olunmasına şərait yaratdığını qeyd edib.
Öz növbəsində, ATƏT Parlament Assambleyasının prezidenti Kauma təşkilatının Azərbaycan və Ermənistan arasında etimadın möhkəmləndirilməsinə lazımi dəstəyi verməyə hazır olduğunu bildirib və regionun gələcək təhlükəsizliyi ilə bağlı öz mövqeyini ifadə edib.
Görüşdə qarşılıqlı maraq doğuran digər məsələlər də müzakirə olunub.
-
- İqtisadiyyat
- 14 Noyabr 2023 16:33
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz