Ermənistan Konstitusiyası regional sülhə təhlükə yaradır - İ.Əliyev
Bazar günü ölkə başçısı İlham Əliyev ABŞ Konqresinin üzvü Avqust Pflugerin başçılıq etdiyi nümayəndə heyətini qəbul edib.
Ölkə prezidentinin mətbuat xidmətindən verilən məlumata görə, görüşdə Azərbaycan ilə ABŞ arasında enerji sahəsində əməkdaşlıq məsələləri ətrafında fikir mübadiləsi aparılıb.
Əliyev Azərbaycanın müstəqilliyini bərpa etdikdən sonra və onun enerji sektorunun inkişafında ABŞ-ın dəstəyini xatırladıb.
O, həmçinin 1994-cü ildə “Əsrin müqaviləsi”nin həyata keçirilməsinə ABŞ-ın dəstəyini qeyd edib.
O, daha sonra Azərbaycanın yaşıl və bərpa olunan enerji sahəsində həyata keçirdiyi layihələrdən danışıb.
Regiondakı vəziyyətə toxunan Əliyev Ermənistanın həyata keçirdiyi silahlanma siyasətinin regional sülh və təhlükəsizliyə təhdid olduğunu vurğulayıb.
“Sülh müqaviləsinin imzalanması üçün Ermənistan Konstitusiyasında Azərbaycana qarşı ərazi iddialarına son qoyulması vacibdir”, - o qeyd edib.
Söhbət zamanı ABŞ Konqresi ilə Azərbaycan arasında dialoqun gücləndirilməsi, qarşılıqlı səfərlərin artırılması, iki ölkə arasında müxtəlif sahələrdə əməkdaşlığın inkişaf etdirilməsi məsələləri də müzakirə olunub.
Siyasət
-
Azərbaycan Respublikasının Prezidenti İlham Əliyev noyabrın 17-də ABŞ Nümayəndələr Palatasının üzvü Avqust Pflügerin başçılıq etdiyi nümayəndə heyəti ilə görüşüb. Görüşdə COP29-un gündəmində olan məsələlər müzakirə edilib.
-
İsrail prezidenti İsaak Hersoqun Bakıda keçirilən COP29 iqlim konfransına planlaşdırılan səfəri Türkiyə prezidentin təyyarəsinin uçuşuna icazə vermədiyi üçün ləğv edilib, - deyə bazar günü, noyabrın 17-də Azərbaycan və İsraildəki mənbələr bildiriblər.
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
Rəy yaz