Ermənistan Mehri yolu ilə "asanlaşdırılmış qaydada" gediş-gəlişi təmin etməyə hazırdır
Ermənistan Mehri yolu ilə "asanlaşdırılmış qaydada" gediş-gəlişi təmin etməyə hazırdır
Azərbaycanla sülh müqaviləsində "Zəngəzur dəhlizi" haqqında bənd ola bilməz, bu barədə jurnalistlərə Ermənistan parlamentinin spikeri Alen Simonyan Azərbaycan dövlət başçısı İlham Əliyevin son bəyanatlarını şərh edərkən bildirib.
"Müqavilədə "Zəngəzur dəhlizi" haqqında bənd yoxdur və ola da bilməz", deyə Simonyan bildirib.
Azərbaycanın Naxçıvanla quru əlaqəsi yaratmaq istəyi başa düşüləndir və Ermənistan nəinki yolu açmağa, həm də sadələşdirilmiş gediş-gəliş imkanlarını nəzərdən keçirməyə hazırdır. Bu zaman hər hansı eksterritorial dəhlizdən söhbət gedə bilməz, deyə Simonyan qeyd edib.
İrandan Naxçıvana gedən yola gəlincə, Ermənistan Azərbaycana eyni şərtləri təklif etməyə hazırdır. Ermənistan parlamentinin rəhbərinin sözlərinə görə, "bu, daha qısa və daha ucuz olacaq".
Bir müddət əvvəl Azərbaycan prezidenti İlham Əliyev yerli KİV-lərə müsahibəsində bildirib ki, "Zəngəzur dəhlizi" açılmasa, Azərbaycan Ermənistanla sərhədi açmayacaq.
Qeyd edək ki, hazırda İrandan keçərək Naxçıvana gedən sərnişinlər və yüklər Biləsuvarda Azərbaycan-İran sərhədində və Naxçıvanın girişində (Culfa) yoxlanılır. Azərbaycan vətəndaşlarının pasportlarına İrana giriş-çıxış ştampı vurulur, yüklər isə skaner vasitəsilə yoxlanılır. Bunu sadələşdirilmiş rejim adlandırmaq kifayət qədər çətindir.
Siyasət
-
Rusiya Ermənistan-Azərbaycan münasibətlərinin normallaşması və Yerevanla Bakı arasında sülh müqaviləsinin imzalanması üçün hər şeyi edir. Bu barədə çərşənbə axşamı Rusiya prezidenti Vladimir Putin xarici ölkələrin səfirlərinin öz etimadnamələrini təqdim etməsi mərasimində bildirib.
-
"Azərbaycan əhalisi tələdədir. Hava limanı olmadan başqa yolla ölkəyə giriş-çıxış edə bilmir. Hətta oraya getməli olsaydım belə, bunu etməzdim. Rejimi legitimləşdirmək istəmirəm”. Bu barədə İsveçin təbiəti mühafizə sahəsində fəalı Qreta Tunberq “Blankspot” nəşrinə müsahibəsində bildirib. O, Tbilisiyə gedib, oradan Ermənistana getmək niyyətindədir. COP29 iqlim sammitindən heç bir gözləntisi yoxdur.
-
Azərbaycan Xarici İşlər Nazirliyi ölkənin Avropa İttifaqında səfiri Vaqif Sadıqov və Ermənistanın Avropa İttifaqında diplomatik nümayəndəliyinin rəhbəri Tiqran Balayan arasında münaqişənin olması ilə bağlı “Politico” saytının yaydığı xəbəri Turan-a aydınlaşdırmaqdan imtina edib. Nazirlik, sadəcə, təsdiqləyib ki, “Politico” həqiqətən Azərbaycan səfirilə ünsiyyətdə olub və o, xarici KİV-ə bildirib ki, Balayanın söylədiklərinin hamısı yalandır.
-
Noyabrın 5-də Azərbaycan prezidenti İlham Əliyev Türk Dövlətləri Təşkilatı dövlət başçılarının 11-ci sammitində iştirak etmək üçün Qırğızıstana gedib.
Rəy yaz