Yerevan/29.06.17/Turan: Son 10 gündə Azərbaycan SQ 8 hərbiçisini itirib. Bu barədə çərşənbə günü Ermənistanın müdafiə naziri Vigen Sarkisyan Yerevanda keçirdiyi mətbuat konfransında bildirib. "Təsdiq edilmiş məlumatlara əsasən, 10 gündə Azərbaycan tərəfi 8 qurban verib, təsdiq edilməmiş məlumatlara görə onların sayı daha da çoxdur", deyən nazir əlavə edib ki, bu, Ermənistan tərəfin "uğurlu cəza tədbirlərinin" nəticəsi olub. O, həmçinin iddia edib ki, həlak olan Azərbaycan hərbiçiləri dəfn edilməyib və Azərbaycan mətbuatında onlar haqqında məlumat yoxdur.
Qeyd edək ki, bir müddət əvvəl Azərbaycanın Müdafiə Nazirliyi ermənilərin diversiya qrupunun 4 üzvünün öldüyü haqqında məlumatlarını təkzib edib. Sarkisyanın həlak olan səkkiz nəfər barədə məlumatı haradan götürdüyü aydın deyil. O, həmçinin Azərbaycan hərbiçilərinin harada və hansı şəraitdə həlak olduğunu da bildirməyib.
Azərbaycanın Müdafiə Nazirliyi hələlik Sarkisyanın sözlərini şərh etməyib. -02D-
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz