• flag_EN
    • flag_RU

Son yenilənmə

(10 saat əvvəl)
Ermənistan prezidenti Azərbaycanı şantajda ittiham edir
A- A A+
EN RU
Turan İnformasiya Agentliyi
Turan İnformasiya Agentliyi

Ermənistan prezidenti Azərbaycanı şantajda ittiham edir

Yerevan/25.08.14/Turan-Armİnfo: 2011-ci ildən sonra Qarabağ münaqişəsinin tənzimlənməsi üzrə danışıqlarda nəzərəçarpan irəliləyiş müşahidə edilmir. Bu barədə Ermənistan prezidenti Serj Sarkisyan jurnalistlərlə söhbətində bildirib.

Onun sözlərinə görə, Ermənistan, Rusiya və Azərbaycan prezidentlərinin Kazan görüşündən sonra münaqişənin tənzimlənməsi üzrə sənəd layihəsinə düzəliş və ya əlavə edilməyib.

Bu məsələdə Yerevanın mövqeyi hamıya məlumdur - Azərbaycan Dağlıq Qarabağ xalqının öz taleyini müstəqil şəkildə həll etmək hüququnu tanımalıdır. "Bizim başqa problemimiz yoxdur və biz istəyirik ki, bu insan həyatları bahasına deyil, sülh yolu ilə baş versin", deyə o bildirib.
 
Prezident əlavə edib ki, təmas xəttində və Ermənistan-Azərbaycan sərhədində bu yaxınlarda baş vermiş diversiyaların bir məqsədi var idi - beynəlxalq ictimaiyyətə müharibənin başa çatmadığını və hazırki status-kvo-nun qəbuledilməz olduğunu göstərmək.
 
"Təxribatlar və diversiyalar kiçik və ya orta komanda heyətinin göstərişi ilə deyil, ən yüksək səviyyədə verilmiş göstərişlə təşkil edilir və Azərbaycan prezidenti bunu gizləmir. Onlar bizə də, öz xalqlarına da daha ciddi səviyyədə göstərmək istəyirdilər ki, Azərbaycanın üstünlükləri var. Onlar müvəffəqiyyət əldə edə bilsəydi, bundan sonra da danışıqlarda Azərbaycanın güzəştinin Bakının hərbi əməliyyatları bərpa etməməsi olduğu haqqında tezis irəli sürəcəkdilər. Bu, əsas deyil, birbaşa şantajdır", deyə Sarkisyan bildirib. 
 
Lakin Bakının uğursuzluğu ona gətirib çıxardı ki, sonuncu Soçi görüşündə Azərbaycan tərəfi pis vəziyyətdə qaldı, Sarkisyan belə hesab edir. -02D-

Rəy yaz

Siyasət

Bizi sosial şəbəkələrdə izləyin

Xəbər lenti