![Ermənistan Rusiya sərhədçilərinin səlahiyyətlərini məhdudlaşdırmağa hazırlaşır?](https://turan.az/resized/news/2024/Zg2m6QiflzX1y3h1FJde1syhpvd0tKXLSNKJlJYU-750-500-resize.webp)
Ermənistan Rusiya sərhədçilərinin səlahiyyətlərini məhdudlaşdırmağa hazırlaşır?
Ermənistan Rusiya sərhədçilərinin səlahiyyətlərini məhdudlaşdırmağa hazırlaşır?
Ermənistanın ictimai və siyasi qurumları Rusiya sərhədçilərinin ölkəni tərk etməsi zərurəti haqqında məsələni getdikcə daha tez-tez qaldırırlar. Xüsusən, Yerevanın Svartnots hava limanında və Mehri sərhəd-buraxılış məntəqəsində Rusiya FTX sərhədçilərinin mövcudluğunun yolverilməz olduğu qeyd edilir.
Bu, həm də RF FTX sərhədçilərinin Ermənistanın Elektron Sərhəd İdarəetmə Sisteminə çıxışı olmasının qanunsuz olması ilə izah olunur. BNU sistemdə ER vətəndaşlarının və Ermənistanın dövlət sərhədini keçən digər şəxslərin şəxsi məlumatları yer alır.
Bununla əlaqədar olaraq, "Ermənistanın Məlumatlı Vətəndaşları İttifaqı" adlı ictimai təşkilat RF FTX-nin Elektron Sərhəd İdarəetmə Sisteminə çıxışdan istifadə edərək "Ermənistan ərazisində insan oğurluğunu təşkil etdiyini və onların Ermənistanın Elektron Sərhəd İdarəetmə Sisteminə çıxışı olduğu müddətcə heç bir insanın Rusiyanın hüquq-mühafizə orqanlarının qanunsuz əməllərindən sığortalanmadığını" iddia edib.
Söhbət xarici dövlətin yüz minlərlə erməninin şəxsi məlumatlarına "qanunsuz" çıxışından getdiyinə görə, "Ermənistanın Məlumatlı Vətəndaşları İttifaqı" Ermənistan hakimiyyətini RF FTX-nin ölkənin Elektron Sərhəd İdarəetmə Sisteminə çıxışını "bağlamağa" çağırıb.
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz