Ermənistan Müdafiə Nazirliyinin mətbuat katibi Artsrun Ovannisyan bildirib ki, nazirlik Bakının əsirləri və həlak olanların cəsədlərini dəyişdirmək haqqında son təklifinə rədd cavabı verib.
Onun sözlərinə görə, Ermənistan tərəfi hesab edir ki, Karen Petrosyanın cəsədi qeyd-şərtsiz təhvil verilməlidir.
“Azərbaycan sövdələşməyə başladıqda biz Həsən Həsənovun cəsədini onlara qaytarmağa razılaşdıq. Ermənistan başqa addımlar atmayacaq. Biz diqtə edən tərəfik və Azərbaycanın dediyini etmək niyyətində deyilik”, deyə Ovannisyan bildirib.
Bir müddət əvvəl Azərbaycan baş nazirinin müavini Əli Həsənov bildirib ki, Azərbaycan Müdafiə Nazirliyi Ermənistan MN-ə 5 nəfərlik erməni ailəsi və əsirlikdə həlak olmuş erməninin (Karen Petrosyan) cəsədini erməni əsirliyində olan Şahbaz Quliyev və Dilqəm Əsgərov, habelə ermənilər tərəfindən öldürülmüş Həsən Həsənovla dəyişdirməyi təklif edib.
Ermənistan tərəfi Qırmızı Xaç Komitəsi vasitəsilə erməni ailəsi və həlak olmuş erməninin cəsədi müqabilində yalnız Həsən Həsənovun cəsədini verməyə hazır olduğunu bildirib. Lakin Bakı bununla razılaşmır, deyə baş nazirin müavini bildirib.
Qeyd edək ki, 5 nəfərlik erməni ailəsi bir neçə il əvvəl Azərbaycana qaçıb və sığınacaq istəyib. Bu ailə üçüncü ölkəyə getməyə çalışır.
Dilqəm Əsgərov, Şahbaz Quliyev Kəlbəcər rayonunda erməni əsirliyinə düşüb. Qrupun üçüncü üzvü Həsən Həsənov öldürülüb. -02D-
Siyasət
-
Fevralın 12-də dövlət başçısı İlham Əliyev dünən Bakıya rəsmi səfərə gələn Somali prezidenti Hasan Şeyx Mahmud ilə görüşüb. Bu barədə Azərbaycan prezidentinin saytında yer alan məlumatda bildirilir.
-
Fevralın 11-də Çinin CGTN (China Global Television Network) telekanalı Azərbaycan prezidenti İlham Əliyevin yanvarın 20-də Davosda verdiyi müsahibəni dərc edib. Azərbaycanın dünya siyasətində rolu və yeri haqqında suala cavabda Əliyev deyib ki, "Azərbaycanın regional sabitliyə verdiyi töhfə" qlobal, beynəlxalq aktorlar tərəfindən qiymətləndirirlir.
-
Fevralın 11-də Bakı Məhkəmə Kompleksində Qarabağ separatçılarının işi üzrə proses davam etdirilib. Prokurorlar ittiham aktının Azərbaycanın işğal edilmiş ərazilərində azərbaycanlı əhalinin kütləvi qətlləri, Ermənistan və erməni separatçıları tərəfindən törədilən terrorçuluq faktlarına aid hissəsini oxuyublar.
-
Çərşənbə axşamı axşam saatlarında ABŞ prezidenti Donald Tramp Rusiyanın azad etdiyi amerikalı müəllimi Ağ Evdə salamlayıb və jurnalistlərə deyib ki, "sabah daha bir nəfəri azad edəcəklər, sizə onun haqqında məlumat veriləcək", xəbəri Turan-ın Vaşinqtondakı müxbiri verib.
Rəy yaz