Milli Şuranın sədri Cəmil Həsənli və Yunus ailəsinin dostu, həkim Azad İsazadə bu gün Kürdəxanı istintaq təcridxanasına baş çəkiblər. Onlar İT-də saxlanılan hüquq müdafiəçisi Leyla Yunus üçün bağlama aparıblar.
Cəmil Həsənlinin Turan-a verdiyi məlumata görə, onlar L.Yunusla görüşmək istəyiblər, amma imtina cavabı alıblar. Bir həftə sonra belə bir imkanın ola biləcəyi istisna edilməyib.
Qeyd edək ki, avqustun 5-də L.Yunusun və onun həyat yoldaşı Arif Yunusun həbsindən sonra Kürdəxanı İT-də ilk dəfə hüquq müdafiəçisi üçün bağlama qəbul ediblər.
Dünən MTN-in istintaq təcridxanasında saxlanılan Arif Yunus üçün də bağlama qəbul edilib.
Xatırladaq ki, Yunuslara qarşı dövlətə xəyanət və bir sıra iqtisadi cinayətlərdə ittiham irəli sürülüb.
Amnesty İnternational onları “vicdan məhbusu” kimi tanıyıb. -06D-
Siyasət
-
Çərşənbə axşamı axşam saatlarında ABŞ prezidenti Donald Tramp Rusiyanın azad etdiyi amerikalı müəllimi Ağ Evdə salamlayıb və jurnalistlərə deyib ki, "sabah daha bir nəfəri azad edəcəklər, sizə onun haqqında məlumat veriləcək", xəbəri Turan-ın Vaşinqtondakı müxbiri verib.
-
Turan-ın Vaşinqtondakı müxbirinin verdiyi məlumata görə, Birləşmiş Ştatlar, Böyük Britaniya və Avstraliya Qərb ölkələrinə kiberhücumlarla əlaqədar Rusiyanın Zservers kiberşirkətinə qarşı sanksiyalar tətbiq edib, xəbəri çərşənbə axşamı Tramp administrasiyası yayıb.
-
Bakıdakı Rus Evi ətrafında sosial şəbəkələrdə yayılan dezinformasiyalar Rusiya-Azərbaycan münasibətlərinə xələl gətirmək məqsədi daşıyır.
-
Baş Prokurorluq Bakının Qaradağ, Binəqədi və Xəzər rayonlarında, həmçinin Tərtər rayonunda qanunsuz hasilat aparılması və torpaq sahəsinin qanunsuz zəbt edilməsi faktları üzrə araşdırma aparıb.
Rəy yaz