Ermənistan tərəfindən diversiyanın qarşısı alınıb - Azərbaycan Müdafiə Nazirliyinin versiyası (yenilənib)

Dekabrın 29-da Ermənistan tərəfin kəşfiyyat qrupu Azərbaycan tərəfə keçməyə cəhd edib, amma Azərbaycan hərbiçilərinin pusqusuna düşüb. Bu barədə Azərbaycan Müdafiə Nazirliyinin mətbuat xidmətinin məlumatında deyilir.

Döyüş zamanı Ermənistan tərəfi itkilər verib və geri çəkilməyə məcbur olub. Eyni zamanda, Azərbaycan hərbiçisi Çingiz Qurbanov itkin düşüb. Onun axtarışı üzrə tədbirlər görülür.

Azərbaycan Müdafiə Nazirliyi hadisəyə görə məsuliyyəti Ermənistan tərəfin üzərinə qoyur. -02D-

2016 Dekabr 29 (Cümə axşamı) 12:23:29

Bu gün Ermənistan-Azərbaycan sərhəddində baş vermiş hərbi toqquşmalar zamanı üç erməni hərbçi – iki əsgər və zabit həlak olub. Bu barədə Ermənistan KİV-i məlumat yayıb.

Erməni tərəfi bildirib ki, bu, Azərbaycan Silahlı Qüvvələrinin təxribatı nəticəsində baş verib. Erməni mənbələrinin məlumatna görə, Azərbaycan tərəfdən hücum edənlərdən biri həlak olub.

İnsident dekabrın 29-da səhər tezdən Ermənistanın Tavuş rayonunun Çinar kəndinin cənub-şərqində baş verib.

Azərbaycanın Müdafiə Nazirliyi hələlik məlumatı şərh etmir.-02D-