Vaşinqton/08.11.23/Turan: Azərbaycan və Ermənistan arasıda sülh ABŞ üçün prioritet olaraq qalır, bu barədə çərşənbə axşamı Dövlət Departamentindən bildiriblər.
"Dünyada baş verən hər şeydən əlavə olaraq, bu iki ölkə arasında sülh bizim üçün, dövlət katibi Blinken üçün prioritet olaraq qalır", deyə mətbuat katibinin müavini Vedant Patel brifinqdə Turan-ın müxbirinin tərəflərin görüş üçün platforma seçməklə məşğul olduğunu nəzərə alaraq, Vaşiqtonun Qarabağla bağlı daha bir sammit keçirməyi planlaşdırıb-planlaşdırmadığı haqqında sualına cavabda bildirib.
"Dövlət Departamenti bununla məşğul olmağa davam edir", deyən Patel təfərrüatları açıqlamayıb.
2022-ci ildən etibarən ABŞ Vaşinqtonda görüşlərin üç mərhələsini keçirib. Sentyabrın əvvəllərində Dövlət Departamentinin iki yüksək vəzifəli məmuru Turan-ın müxbirinə bildirib ki, ABŞ-ın dəstəklədiyi sülh prosesi "davam edir və tamamilə fəaldır" və tərəflər dialoqu davam etdirmək üçün "Vaşinqtona qayıtmağa hazırdırlar".
Azərbaycan prezidenti İlham Əliyev və Ermənistan baş naziri Nikol Paşinyan ötən ayın sonlarında Avropa İttifaqı Şurasının prezidenti Şarl Mişellə görüşməli idi, lakin görüş bir ay ərzində iki dəfə ləğv edilib. 0
Siyasət
-
Avropa İttifaqı Şurasının Prezidenti Antonio Koşta yanvarın 9-da Azərbaycan Respublikasının Prezidenti İlham Əliyevə zəng edib.
-
Ermənistanın baş naziri Nikol Paşinyan Facebook səhifəsində regionda uzuznmüddətli sülhün bərqərar olması ilə bağlı təkliflərini dərc edib. Bu təkliflər arasında o, Azərbaycana təkcə beynəlxalq məhkəmələrdə deyil, ümumiyyətlə də qarşılıqlı iddialardan imtina etməyi təklif edib.
-
ABŞ Ukrayna üçün yeni və prezident Co Baydenin administrasiyası dövründə sonuncu hərbi yardım paketini açıqlayıb. ABŞ-ın müdafiə naziri Lloyd Ostin Almaniyada bildirib ki, yardımın məbləği 500 milyon dollar təşkil edir.
-
Bakıda 10 yeni metro stansiyasının inşa ediləcəyi gözlənir. Bu barədə yanvarın 7-də jurnalistlərlə görüş zamanı prezident İlham Əliyev danışıb.
Rəy yaz