Ermənistan və Azərbaycan arasında sülh yaxındır - Paşinyan
Ermənistan və Azərbaycan arasında sülh yaxındır - Paşinyan
Ermənistan və Azərbaycan arasında sülh nəinki mümkündür, həm də əlçatandır. Bu barədə dünən BMT Baş Assambleyasında çıxış edən Ermənistan baş naziri Nikol Paşinyan bildirib.
Onun sözlərinə görə, hər iki ölkə bir-birinin ərazi bütövlüyünü və SSRİ dövründə mövcud olan sərhədlərinin toxunulmazlığını tanıyır.
"Azərbaycan prezidenti və mən dəfələrlə bildirmişik ki, bu müqavilənin şərtlərinin ən az 80%-i razılaşdırılıb. Sülhə nail olmaq və qalan məsələlər üzrə danışıqları davam etdirmək üçün bu tarixi fürsətdən istifadə etmək və saziş layihəsində artıq razılaşdırılanları imzalamaq lazımdır", deyə Paşinyan bildirib.
Onun sözlərinə görə, sülh müqaviləsinin imzalanması qalan məsələlərin həllini asanlaşdıracaq.
"Biz diplomatik münasibətlər qurmalı və sülh müqaviləsinin həyata keçirilməsinin monitorinqi üçün birgə komissiya yaratmalıyıq. Bu, hökumətlərimiz və xalqlarımız arasında ümumi qavrayışı yaxşılaşdıracaq və qalan problemlərin həllinə şərait yaradacaq", deyə o, sözünə davam edib.
Ermənistan baş naziri qeyd edib ki, Ermənistanın konstitusiyası sülh müqaviləsinin imzalanması üçün maneə deyil və onda Azərbaycana qarşı ərazi iddiası yoxdur.
Kommunikasiyalar məsələsinə toxunan Paşinyan deyib ki, "Ermənistanın üçüncü qüvvələrin iştirakı ilə kommunikasiyaların təhlükəsizliyini təmin etməyə razılaşdığı haqqında iddialar həqiqətin təhrifidir. Bizim öhdəliyimiz öz ərazimizdə təhlükəsizliyi təmin etməkdən ibarətdir".
-
- İqtisadiyyat
- 27 Sentyabr 2024 16:59
-
- Siyasət
- 27 Sentyabr 2024 18:05
Siyasət
-
Birləşmiş Ştatlar cümə günü bildirib ki, Azərbaycan və Ermənistan Bakıda keçiriləcək BMT-nin iqlim konfransı COP29 ərəfəsində sülh razılaşmasına nail ola biləcəklərinə ümid edir.
-
Cümə günü Bakı Ağır Cinayətlər Məhkəməsində müxalif siyasətçi Tofiq Yaqublunun işi üzrə proses davam edib. Yaqublunun vəkilləri Demokratik Qüvvələrin Milli Şurasının üzvlərindən, müxalif fəallardan əlavə şahidlərin, o cümlədən siyasətçinin həyat yoldaşı Maya Yaqublunun məhkəməyə dəvət olunması haqqında vəsatət qaldırıblar.
-
1 saylı Bakı İstintaq Təcridxanasında saxlanılan məhbus Bəkirova Məleykə Roman qızının sentyabrın 23-də telefonla danışmaq istəyərkən təcridxananın rejim rəisi Ədalət Qurbanov tərəfindən döyüldüyü bildirilir.
-
"Ədalət naminə həmrəylik" İctimai Komitəsi talış tədqiqatçı İqbal Əbilovun azad edilməsinə köməklik göstərməsi xahişi ilə Azərbaycan prezidenti İlham Əliyevə müraciət edib.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 907
Rəy yaz