Джейхун Байрамов и Ара Айвазян
Bakı/17.12.20/Turan: Ermənistanın və Azərbaycanın xarici işlər nazirləri - Ara Ayvazyan və Ceyhun Bayramov Brüsseldə Avropa İttifaqı Tərəfdaşlıq Şurasının ayrı-ayrı iclaslarında iştirak edirlər.
Nazirlərin rəsmi görüşü barədə anons verilməyib. Tərəflər yalnız Ayvazyan və Bayramovun Aİ-Ermənistan Tərəfdaşlıq Şurasının və Aİ-Azərbaycan Tərəfdaşlıq Şurasının iclaslarında iştirak etdiklərini bildirirlər.
Amma Brüsseldə Belçikanın baş nazirinin müavini, xarici işlər, Avropa işləri, xarici ticarət və federal mədəniyyət müəssisələri naziri Sofi Vilmesin səviyyəsində iki iclasın eyni zamanda keçirilməsini, çətin ki, təsadüf adlandırmaq olsun.
İclasların gündəliyində Aİ-nin iki düşmən Qafqaz dövləti ilə qarşılıqlı fəaliyyətinin möhkəmləndirilməsi məsələsi var, amma müharibədən sonrakı dövrdə regional təhlükəsizlik probleminin həlli birinci plana keçib.
Ermənistan XİN-in məlumatına görə, bu kontekstdə Ermənistan və Belçikanın xarici işlər nazirləri beynəlxalq ictimaiyyətin, xüsusən Aİ ölkələrinin böhranın nizamlanması prosesinə birbaşa cəlb edilməsinin əhəmiyyətini vurğulayıblar.
Tərəflər dinc nizamlanma ilə bağlı sualların ATƏT-in Minsk Qrupunun həmsədrlərinə ünvanlanmasının vacibliyini xüsusi olaraq qeyd ediblər.
Göründüyü qədər, görüşlərin paralel keçirilməsi formatı Aİ-nin Qarabağ münaqişəsi tərəflərinə olan suallarının operativ şəkildə dəqiqləşdirilməsi və hətta aradan qaldırılması üçün seçilib. Həm də bu format Aİ-nin yaxın gələcək üçün Ermənistana və Azərbaycana münasibətdə davranış xəttini oprativ şəkildə müəyyən etməsinə imkan verir. -0-
Siyasət
-
III Respublika Platforması (ResPlatforma) Dirçəliş Günü ilə əlaqədar Bəyanat yayıb. Bəyanatda Azərbaycan millətinin Dirçəliş Günü təbrik edilir. Həmçinin Bəyanatda 17 noyabr prosesinin Dağlıq Qarabağ üzərində Azərbaycanın suverenliyinin təmin edilməsi tələbi ilə başlayan mitinqlərin müstəqillik hərəkatının başlanğıcı olması və 17 noyabr prosesinin müstəqilliyin əldə edilərək II Respublikanın qurulması ilə nəticələndiyi qeyd edilir. Bu minvalla ResPlatforma müstəqillik və Qarabağ davası uğrunda fədakarlıq göstərən vətəndaşlarımızı, o cümlədən şəhid və qazilərimizi dərin minnətdarlıq hissi ilə yad edir.
-
Noyabrın 17-də Azərbaycanda Milli Dirçəliş Günü qeyd edilir. 17 noyabr 1988-ci ildə Bakının əsas meydanı olan "Azadlıq" meydanında (keçmiş Lenin meydanı red.) Qarabağ üzərində suverenliyin təmin edilməsi tələbilə fasiləsiz mitinqlər başladı. Sonradan mitinq iştirakçıları Azərbaycanın müstəqilliyi məsələsini qaldırdılar.
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
Rəy yaz