Yerevan/09.08.18/Turan: Ermənistanın Milli Təhlükəsizlik Xidməti ölkənin keçmiş baş naziri Ovik Abramyanın qardaşı qanunsuz silah saxlamaq ittihamı ilə həbs edib.
Avqustun 6-da və 7-də Abramyana məxsus mexaniki-təmir zavodunda aparılmış axtarışlar zamanı bütöv bir arsenal: 3 əl pulemyotu, 7 avtomat, 2 snayper tüfəngi, 3 tüfəng, 2 tapança və çox sayda güllə aşkar edilib və keçmiş baş nazirin qardaşı Genrix Abramyan həbs edilib.
Ermənistan KİV-lərinin məlumatına görə, istintaq bu arsenalın Yerevanda etirazçıların dağıdılması zamanı 10 nəfərin öldürüldüyü 1 mart 2008 hadisələrində istifadə edilib-edilmədiyini yoxlayır.
Ovik Abramyan 2008-ci ildə Serj Sarkisyanın seçkiqabağı qərargahının rəisi olub. Onun adı oliqarxların silahlı mühafizəsinin formalaşdırılması və ondan nümayişçilərə qarşı istifadə edilməsi haqında məlumatlarda çəkilirdi.
Lragir nəşrinin məlumatına görə, Koçaryanın və Serj Sarkisyanın hakimiyyəti dövründə Ovik Abramyan "varis" olmaq iddiasında olan kriminal oliqarx sisteminin əsas fiqurlarından biri olub. -02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz