Bakı/27.01.18/Turan: Qarabağ məsələsi qəbul edilməyəcək şəkildə həll edilərsə, Ermənistan sakinlərinin 8,6%-i qarşıdurmalarla müşaiyət olunan nümayişlərdə iştirak etməyə hazırdır. Bu barədə 2017-ci ilin dekabrında dərc edilmiş Qafqaz İnstitutunun Analitika Mərkəzinin "Ermənistan və DQR cəmiyyətlərində münaqişə necə dərk olunur" adlı məruzəsində deyilir.
Sənədə əsasən, rəyi soruşulanların 38,7%-i münaqişə qəbul edilməyəcək şəkildə həll ediləcəyi təqdirdə öz fikrini bildirməz və tədbir görməz, 23,4% dinc nümayişlərdə iştirak edər, 16,2% sosial şəbəkələrdə və dostları arasında etirazını bildirər, 6,2% imzatoplama aksiyasında iştirak edər, 7% nə edəcəyini bilmir, deyə Panarmenian yazır.
2015-ci ildə Qarabağ sakinlərinin 63,7%-i Ermənistana qoşulmaq istəyirdi, 2016-cı il aprel müharibəsindən sonra bu göstərici 50%-ə bərabər olub.
18-30 yaş arası Qarabağ sakinlərinin 60%-dən çoxu müstəqillik istəyir. Eyni zamanda, Ermənistanın 18-30 yaşlı vətəndaşlarının 50%-dən çoxu Qarabağı Ermənistanın tərkibində görmək istəyir.
Ermənistanın 0,3%-i hesab edir ki, Qarabağ Azərbaycanda muxtar olmalıdır.
Qarabağda 0,1% Azərbaycanın tərkibində muxtariyyətin tərəfdarı olduğunu bildirib.
Eyni zamanda, Ermənistan sakinlərinin 0,6%-i Qarabağın Azərbaycana qoşulmasına, 1,4% 7 rayonun təhvil verilməsinə, 6,2% 5 rayonun təhvil verilməsinə razıdır, 86,4% isə ərazilərin güzəştə gedilməsinə razı deyil.
Sorğuda Ermənistan və Qarabağdan 1600 nəfər iştirak edib. -02D-
Siyasət
-
Azərbaycanla Avropa İttifaqı arasında icazəsiz yaşayan şəxslərin readmissiyası haqqında saziş çərçivəsində noyabrın 26-da Almaniyadan 37 Azərbaycan vətəndaşı geri qaytarılıb.
-
Bakı-Qazax avtomagistralının Tovuzdan keçən hissəsində qəza qeydə alınıb. Avtomobillərin toqquşması nətisində altı nəfər aldığı xəsarətdən dünyasını dəyişib.
-
Rəsmi Bakı Polşa prezidenti Ancey Dudanın Ermənistana rəsmi səfəri zamanı Azərbaycanla sərhədə getməsini pisləyib.
-
Times of India nəşrinin məlumatına görə, Pinaka raket sistemlərinin ilk partiyası Ermənistana göndərilib.
Rəy yaz