Ermənistanda və Qarabağda vəziyyət qeyri-müəyyən olaraq qalır

Bakı/12.11.20/Turan:  Yerevanda dünənki mitinq zamanı saxlanılmış müxalifət liderlərinə qarşı cinayət işi açılıb. Ermənistan KİV-in məlumatına görə, siyahıda 10 nəfər var və onlar hərbi vəziyyət dövründə və dövlət sirrinin yayılmasında və iğtişaşların təşkilində ittiham olunurlar. Siyahıda Qaqik Sarukyan, Qarnik İsaqulyan, Suren Surenyans, Qeqam Manukyan, David Ambarsumyan, Ara Saakyan, Artur Vanetsyan, Eduard Şarmazanov, Artur Qazinyan, İşxan Sagatelyanın adları var.

Ermənistan hakimiyyəti Yerevanda təhlükəsizlik tədbirlərini gücləndirib və icazəsiz mitinqləri dağıdır. Noyabrın 12-də səhərdən şəhərin əsas yolları bağlanıb və ölkə regionlarından gələnləri Yerevana buraxmırlar. Bu tədbirlər onunla bağlıdır ki, müxalifət saat 17:00-a paytaxtın mərkəzində Paşinyanın istefası tələbilə növbəti mitinq təyin edib.

Bu arada hakim komandada da dağınıqlıq müşahidə olunur. Belə ki, ötən gün Milli Təhlükəsizlik Xidmətinin rəhbəri vəzifəsinə təyin olunan Armen Abazyan çərşənbə günü ürək işemiyası diaqnozu ilə xəstəxanaya yerləşdirilib.

Eyni zamanda, Müdafiə Nazirliyinin bir qrup generalı Azərbaycan ərazilərinin təhvil verilməsilə bağlı rəhbərliyin mövqeyi ilə razılaşmayaraq istefa verib. 

Demək olar ki, bütün siyasi qüvvələr müharibənin dayandırılması ilə bağlı Paşinyanın atdığı addımları pisləyib və onların icrasından imtina etməyi tələb edirlər. Müxalifət parlamentin fövqəladə sessiyasını çağırmağı və Qarabağda müharibənin dayandırılması ilə bağlı razılaşmanı qanunvericilik səviyyəsində ləğv etməyi qarşısına məqsəd qoyur.

Öz növbəsində, Qarabağda da vəziyyət qeyri-müəyyəndir. Belə ki, ermənilərin Kəlbəcərdən çıxarılmasına başlanılıb. Lakin separatçıların liderinin köməkçisi Vaqram Poqosyan birdən bəyan edib ki, "ərazi güzəştləri və bu kontekstdə elan edilmiş müddətlər Arsax hakimiyyəti ilə hələlik müzakirə olunmayıb". O, Kəlbəcərdə və Laçında yaşayan erməniləri "həddindən artıq tələskənlik göstərməməyə və əmlaklarını öz evlərindən çıxarmamağa" çağırıb.

Bundan əlavə, separatçıların lideri Araik Arutyunyan kilsənin keşişi Dadivanka telefon edib ki, Kəlbəcərdədir və bu obyektin Azərbaycana təhvil verilməyəcəyini bildirib,  ondan bu rayondan çıxmamasını xahiş edib. Bütün bunlar Qarabağa dair üçtərəfli sazişin pozulmasına faktiki çağırışdır.

Xatırladaq ki, ermənilər Kəlbəcəri noyabrın 15–nə, Laçını isə dekabrın 1-dək tərk etməlidirlər.02B-