Yanvarın 16-da Ermənistanda vəziyyət gərgin olaraq qalıb, baxmayaraq ki, Gümri və Yerevanda yeni etiraz aksiyaları keçirilməyib. Ermənistan KİV-lərinin məlumatına görə, ölkə ictimaiyyəti yanvarın 12-ə Gümridə 6 nəfərlik ailəni qətlə yetirmiş rus əsgəri Permyakovun yerli ədalət mühakiməsinə təhvil verilməsi tələblərinə cavab gözləyir.
Əsgərin Rusiyaya aparılmadığı və Ermənistanda mühakimə olunacağı haqqında bəyanatlardan sonra vəziyyət bir qədər sakitləşib. Amma bu, RF Hərbi Məhkəməsinin səyyar iclası olacaq.
Xatırladaq ki, dünən Gümri və Yerevanda kütləvi etiraz aksiyaları və nümayişçilərin polislə qarşıdurmaları olub. 14 nəfər yaralanıb, minlərlə insan Permyakovun saxlanıldığı 102-ci Rusiya hərbi bazasına girməyə çalışıb.
Etiraz aksiyası zamanı rus qoşunlarının Ermənistandan çıxarılması şüarları səsləndirilib. Nümayişçilər həmçinin RF-nin Gümridəki konsulluğunu ələ keçirməyə çalışıblar və RF-nin Yerevandakı səfirliyinə hücum ediblər. -02D-
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz