Açiq mənbələrdən foto.
Bakı/22.10.20/Turan: Oktyabrın 22-də səhər saatlarında Ermənistan ərazisindən buraxılmış ballistik raketin partlaması nəticəsində Azərbaycanın Qəbələ rayonunda bir yerli sakin yaralanıb, bu barədə Azərbaycan Baş Prokurorluğunun məlumatında deyilir.
“Ermənistan 1949-cu il tarixli Cenevrə Konvensiyasını pozaraq, Azərbaycanın dinc əhalisini qəsdən hədəfə almaqla yaşayış məntəqələrini və strateji obyektləri raket və ağır artilleriya zərbələrinə məruz qoymaqda davam edir”, deyə məlumatda bildirilir.
Cəbhə zonasından 150 km. Məsafədə olan Qəbələ rayonunda “SKAD” raketinin partlaması nəticəsində 17 yaşlı Qəbələ sakini Murad Əmirbəyov yaralanıb, beş yaşayış evinə ziyan dəyib.
Bundan başqa, ermənilər paytaxtı içməli su ilə təchiz edən Oğuz-Qəbələ-Bakı su kəməri istiqamətində raket atıblar. Bu raket Azərbaycanın HHM qüvvələri tərəfindən zərərsizləşdirilib. -02D-
Siyasət
-
Qazaxıstanın Mangistauski rayonunda yerləşən məhkəmə, blogger Azamat Sarsenovu Aktau şəhərində Embraer 190 sərnişin təyyarəsinin qəzasının baş verdiyi yeri çəkdiyi üçün 10 günlük həbs cəzasına məhkum edib. Bu qərar məhkəmənin mətbuat xidməti tərəfindən təsdiqlənib, RBC-nin məlumatına görə.
-
AZAL-a məxsus sərnişin təyyarə qəzasında həlak olanların ailələrinə 40 min manat ödəniləcək.
-
Dekabrın 26-da Ramzan Kadırov Çeçenistan Təhlükəsizlik Şurasının katibi vəzifəsini tutan qardaşı oğlu Xamzat Kadırovu “Çeçenistan Respublikası qarşısında xidmətlərinə görə” medalı ilə təltif edib.
-
"Təyyarə Rusiya ərazisində, Qroznı səmasında vurulub. Bunu inkar etmək qeyri-mümkündür", - bunu yerli və beynəlxalq medialarda mənbələrə istinadən Bakı-Qroznı marşrutu üzrə hərəkət edən "Azərbaycan Hava Yolları"nın təyyarəsinin Rusiya havadan hücum müdafiə sistemləri tərəfindən vurulması ilə bağlı xəbərini Turana şərh edərkən deputat Rasim Musabəyov deyib.
Rəy yaz