Ermənistanın Müdafiə Nazirliyi cəbhədə vəziyyəti gərginləşdirir?

Yerevan/12.01.15/Turan-Armİnfo: Ermənistanda bölük və batalyon komandirlərinə “Azərbaycan tərəfdən diversiya və hücumun” qarşısını sərbəst şəkildə almağa icazə veriləcək. Müdafiə naziri Seyran Ohanyan artıq müvafiq əmri hazırlayıb.

Yanvarın 12-də keçirilən müşavirədə Ohanyan qeyd edib ki, əmr ön cəbhədə döyüş növbəsinin gücləndirilməsini, monitorinq sisteminin təkmilləşdirilməsini, Ermənistan SQ-nin ön bilrəşmələrinin döyüş hazırlığının artırılmasını nəzərdə tutan 7 bənddən ibarətdir.

“Diversiya törədən düşməni qəti şəkildə cəzalandırmaq, bəzi hallarda isə önləyici tədbirlərə əl atmaq lazımdır. Bundan sonra batalyon və bölük komandirləri düşmənin güclü və zəif tərəflərini araşdıraraq, preventiv fəaliyyətlər işləyib hazırlamaq və həyata keçirmək hüququ qazanacaqlar. Hamıya komandirlərə bu azadlığı verməyə çağırıram”, deyə Ohanyan ali komanda heyətinə xitabən bildirib.

Azərbaycanda Ohanyanın bu bəyanatını şərh edən hərbi ekspertlər təmas xəttində vəziyyətin gərginləşəcəyini güman edirlər. Yerli komandirlər nə vaxt və necə atəş açmağa qərar vermək hüququ qazansalar, vəziyyət tezliklə mərkəzi komandanlığın nəzarətindən çıxa bilər. Bütün bunlar mütləq Azərbaycan tərəfindən cavab tədbirlərinə səbəb olacaq, ekspertlər belə hesab edir.

Azərbaycanın Müdafiə Nazirliyi hələlik Ohanyanın sözlərini şərh etmir. -02D-