![Ermənistanın yeni parlamentində müxalifət olmayacaq](https://turan.az/resized/750/500/resize/media/2018/main/120900015371.jpg)
Ermənistanın yeni parlamentində müxalifət olmayacaq
Bakı/10.12.18/Turan: Bazar etəsi səhər saat 7:30-da Ermənistan MSK 2010 seçki məntəqəsinin hamısından 100% bülletenlərə baxılmasını başa çatdırıb.
Növbədənkənar parlament seçkilərində baş nazir vəzifəsini icra edən Nikol Paşinyanın "Mənim addımım" bloku 70,43% (884456) nəticə ilə qalib gəlib.
İkinci yeri Çiçəklənən Ermənistan Partiyası tutub 8,27% (103824). Partiya lideri Qagik Sarukyan dəfələrlə Paşinyanı dəstəkləyib.
İşıqlı Ermənisan Partiyasının timsalında Paşinyanın müttəfiqləri 6,37% (80024) səslə üçüncü yerdədir.
Digər siyasi qüvvələr Ermənistan Milli Məclisində təmsil olunmaq üçün zəruri baryeri keçə bilməyiblər.
Beləliklə, 5 il müddətinə seçilmiş yeni parlamentdə ancaq Nikol Paşinyan və onun "məxməri inqilab" üzrə tərəfdarları olacaq, News.am saytı qeyd edib.
Lakin Ermənistan Konstitusiyası 1/3 deputat yerinə zəmanət verir, odur ki, Çiçəklənən Ermənistan və İşıqlı Ermənistan partiyalarının özlərini konstruktiv müxalifət elan edəcəklərini gözləmək olar.
Keçmiş Respublika Partiyası 4,7% (59059) səs ilə dördüncü yeri tutub.
Daşnaksütyun Partiyası da parlamentə düşməyib 3,89% (48811).
"Sasna tsrer" radikalları 1,82% (22862) səs qazanıblar.
Beləliklə, Ermənistanda hakimiyyət dəyişikliyi baş verib və bu yaxınlara qədər nüfuzlu sayılan qüvvələrin hamısı qapı arxasında qalıb. Yaxın vaxtlarda həmin qüvvələrin birləşərək Paşinyan hökumətinə qarşı vahid blokda çıxış edəcəyini gözləmək olar. -02D-
-
- Cəmiyyət
- 10 Dekabr 2018 10:47
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz