�Əsas məsələ siyasi iradədir" - Azərbaycanda medianın durumu
Bakı/11.07.19/Turan: "Mən Azərbaycanda media azadlığı, ifadə azadlığı sahəsində islahatların aparılması üçün daha çox səy göstərilməsini görmək istərdim," ATƏT-in media azadlığı üzrə xüsusi nümayəndəsi Amerikanın Səsinə deyib.
Londonda Böyük Britaniya və Kanada hökumətlərinin təşkilatçılığı ilə keçirilən Qlobal Media Azadlığı Konfransında qısa açıqlama verən Harlem Dezir keçmişdə bir sıra hallarda vəziyyətə müdaxilə etməli olduğunu bildirib.
Dezir Tbilisidə oğurlanaraq Azərbaycana gətirildiyi iddia edilən və sonradan həbsə məhkum olunan Əfqan Muxtarlı və video bloger Mehman Hüseynovla bağlı halları bu xüsusda qeyd edib.
"Görmək istədiyimiz budur ki, bu jurnalistlər sərbəst buraxılsın və yeni həbslərə son qoyulsun, və ölkədə mətbuat azadlığının yaxşılaşması üçün addımlar atılsın," Sərhədsiz Reportyorların Böyük Britaniya üzrə rəhbəri Rebekka Vinsent Amerikanın Səsinə bildirib.
Onun sözlərinə görə, Azərbacayn dünya boyu mətbut azadlığı sahəsində ən pis göstəricilərə malik olan ölkələr sırasındadır. Belə ki, o, Sərhədsiz Reportyorların indeksində 180 ölkədən 166-cı yeri tutur.
"Hazırda 7 jurnalist həbsdədir ki, onlar dərhal azad olunmalıdır", Vinsent bildirib.
O, mövcud duruma görə məsuliyyəti Azərbaycan hökumətinin daşıdığını deyib.
"Əsas məsələ siyasi iradədir. Əliyev rejimi heç zaman azad mətbuatın mövcudluğuna icazə vermək üçün siyasi iradə göstərməyib."
Vinsent ümid etdiyini bildirib ki, beynəlxalq qüdrətlər, o cümlədən Böyük Britaniya hökuməti rəsmi Bakını mətbuata basqılara görə cavabdeh tutacaq və bu istiqamətdə durumun yaxşılaşdırılması üçün addımlar atacaq.-16D--
-
- Cəmiyyət
- 12 İyul 2019 11:06
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz