Bakı/15.11.17/Turan: Dünən Parisdə Royal Pavilyonunda Bakının Beynəlxalq Sərgilər Bürosunun 2025-ci ildə keçiriləcək Ümumdünya Sərgisinə namizəd şəhər olması münasibətilə qəbul təşkil edilib.
Tədbirdə Azərbaycan hökuməti adından ölkənin birinci vitse-prezidenti Mehriban Əliyeva çıxış edib.
"Əsrlər boyu ölkəmiz qitələrin və sivilizasiyaların kəsişməsində yerləşib. Avropa və Asiyanın qovuşuğunda yerləşən Azərbaycan Şərq ilə Qərb, Şimal ilə Cənub arasında ticari, siyasi və mədəni körpü rolunu oynayır", deyə Əliyeva bildirib.
O qeyd edib ki, "İnsan kapitalının inkişaf etdirilməsi, daha yaxşı gələcəyin qurulması" mövzusunu təklif edərək 2025-ci ildə Ümumdünya Sərgisinin keçirilməsinə namizədliyini irəli sürür.
""Bakı Expo 2025" sərgisində, düşünürük ki, texnologiyadan daha uzağa baxmaq, diqqətimizi rəhbərlərdən sıravi vətəndaşlara yönəldərək iqtisadiyyatların, cəmiyyətlərin və yaradıcılığın aparıcı qüvvəsi olan insanlar üzərində cəmləşdirmək mühüm əhəmiyyət kəsb edəcək", deyə Əliyeva sözünə davam edib.
Azərbaycanın təklifi qəbul edilsə, Bakı bütün Şərqi Avropada, Qafqaz və Xəzər hövzəsi regionunda Ümumdünya Sərgisini qəbul edən ilk şəhər olacaq.
Bakı ilə yanaşı "Expo 2025" Ümumdünya Sərgisinin keçirilməsi üçün Yekaterinburq (Rusiya), Osaka (Yaponiya) və Paris (Fransa) da namizədliklərini irəli sürüb. -06D-
Siyasət
-
Bazar ertəsi Azərbaycanın xarici işlər naziri Ceyhun Bayramov Serbiyaya işgüzar səfərə gedib.
-
Bakıda Dini Qurumlarla İş üzrə Dövlət Komitəsinin təşəbbüsü ilə Azərbaycan Din Xadimlərinin Forumu keçirilir. Forum “Dini maarifləndirmənin aktual məsələləri: ənənə, təcrübə və perspektivlər” mövzusuna həsr edilib.
-
Azərbaycan prezidenti İlham Əliyev Müqəddəs Milad bayramı münasibətilə Roma Papası Fransiskə təbrik ünvanlayıb.
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
Rəy yaz