Ə.Zeynalovun apellyasiya şikayətinə mahiyyəti üzrə baxılması mayın 13-nə təyin edilib
Mayın 3-də Bakı Apellyasiya Məhkəməsində “Xural” qəzetinin baş redaktoru Əvəz Zeynallının işi üzrə ilkin iclas başa çatıb. Mayın 1-də keçirilən əvvəlki iclasda təqsirləndirilən şəxs Əflatun Qasımovun sədrlik etdiyi məhkəmə heyətinə etirazla çıxış etmişdi.
Zeynallı etirazını bu hakimlərin ibtidai istintaq zamanı artıq onun mənzilində, ofisində və avtomobilində axtarış aparmaq şikayətini rədd etməsi və buna görə qərəzsiz ola bilməməsi ilə əsaslandırıb.
Lakin mayın 3-də iclası açan hakim Qasımov bildirib ki, Apellyasiya Məhkəməsinin rəhbərliyi etirazı təmin etməyib.
Bundan sonra vəkil Sadıqov apellyasiya şikayətinə baxılarkən qismən təkrar məhkəmə istintaqı keçirilməsi haqqında vəsatət qaldırıb. O, bunu birinci instansiya məhkəməsində Zeynallıya qarşı əsas şahid, hazırda fırıldaqçılıq ittihamı ilə özü də həbsdə olan Gülər Əhmədovanın, habelə bir sıra digər şahidlərin müdafiə tərəfin suallarına cavab verməməsi ilə əsaslandırıb.
Lakin hakim vəsatəti təmin etməyib.
Martın 12-də Ağır Cinayətlərə dair İşlər üzrə Məhkəmə Zeynalovu Azərbaycan CM-in 311.3.3 (böyük ölçüdə rüşvət alma), 311.4 (hədələmək yolu ilə pul tələb etmək), 306 (məhkəmənin qərarını icra etməmək) və 213.1-ci (böyük həcmdə vergi ödənişindən yayınmaq) maddələri ilə təqsirli bilərək, 9 il müddətinə azadlıqdan məhrum edib.
Zeynallı 2011-ci ilin oktyabrında keçmiş deputat Gülər Əhmədovanın şikayəti ilə həbs edilib. -06B-
-
- Siyasət
- 4 May 2013 11:49
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz