F.Ağamalı: Kommersiya bankları əhaliyə zülm edir

Çərşənbə günü parlamentdə büdcə layihəsinin müzakirələri zamanı deputat Fəzail Ağamalı kommersiya banklarını əhalini talan etməkdə ittiham edib.

“Banklar əhaliyə zülm edir. Onlar Mərkəzi Bankdan 3%-lə vəsait götürür, əhaliyə isə 30-60%-lə pul verir, bu da vətəndaşların yoxsullaşmasına gətirib çıxarır. Mərkəzi Bank kommersiya banklarının kredit siyasətinə nəzarət etməlidir”, deyə Ağamalı tələb irəli sürüb.

O, hökuməti fəal kənd təsərrüfatı siyasəti həyata keçirməyə və bölgələrdə kənd təsərrüfatı məhsullarının emalı üzrə müəssisələrin tikintisini artırmağa çağırıb. Bu müəssisələri stimullaşdırmaq üçün onları vergilərdən azad etmək lazımdır.

Daha sonra o, kəndlərə qaz çəkilməsi üzrə işlərin qeyri-qənaətbəxş aparılmasından şikayətlənib, baxmayaraq ki, ölkənin tamamilə qazla təmin edilməsi proqramı 2015-ci ildə başa çatmalıdır.

Sonda Ağamalı gənclərin əlinə peşə verə biləcək müasir peşə məktəblərinin olmamasından şikayətlənib. “Hər il orta məktəblərin 70 min məzunu peşəsi olmadan böyük həyata addım atır və işsizlər cərgəsini doldurur. Üstəgəl, minlərlə oğlan ordudan qayıdır və onlar da iş tapa bilmir”, deyə deputat qeyd edib. -02D-