Elşən Kərimov
Hakimiyyətin zorla ələ keçirilməsinə yönələn açıq çağırışlar etməkdə təqsirləndirilən fəal Elşən Kərimov 6 il azadlıqdan məhrum edilib. Bu barədə hökmü yanvarın 28-də Səbuhi Hüseynovun sədrliyi ilə Bakı Ağır Cinayətlər Məhkəməsi çıxarıb.
Prokuror Elşən Kərimovun 7 il 6 ay müddətinə azadlıqdan məhrum edilməsini istəyib.
Fəal bu il aprelin 17-də Yevlax rayonunun Rüstəmli kəndində saxlanılıb. Baş Prokurorluğun İstintaq İdarəsində ona qarşı Cinayət Məcəlləsinin 281.1-ci maddəsilə (hakimiyyətin zorla ələ keçirilməsinə yönələn açıq çağırışlar etmə, habelə bu cür məzmunlu materialları yayma) cinayət işi başlanılıb.
Aprelin 19-da Binəqədi Rayon Məhkəməsi Kərimovu 3 ay müddətinə həbs edib.
Elşən Kərimov sosial şəbəkələrdə siyasi məhbusları – Azərbaycanda həbs olunan Azərbaycan Xalq Cəbhəsi Partiyasının fəallarını, digər siyasi partiyaların üzvlərini, ictimai fəalları və jurnalistləri müdafiə edən yazılar dərc edib.
Siyasət
-
23 saylı Nəsimi-Səbail Seçki Dairəsinin 25 saylı məntəqəsində səsvermə bitdiyinə baxmayaraq 1 saatdan çoxdur seçki qutuları açılmadığı, səssayma aparılmadığı bildirilir.
-
Yanvarın 29-da Azərbaycanda bələdiyyə seçkiləri aşağı seçici fəallığı və ciddi mübahisələr fonunda keçirildi. Seçicilər saat 08:00-dan 19:00-a qədər səs verdilər. Mərkəzi Seçki Komissiyası (MSK) prosesin problemsiz keçdiyini bildirsə də, müstəqil müşahidəçilər və müxalifət nümayəndələri seçkilərin şəffaflığı və inklüzivliyi ilə bağlı narahatlıqlarını ifadə etdilər.
-
29 yanvar saat 17-yə olan rəsmi məlumata görə, Azərbaycanda bələdiyyə seçkilərində seçicilərin 28,77%-i səs verib. Bu barədə Mərkəzi Seçki Komissiyasının nümayəndəsi Fərid Orucov bildirib. Onun sözlərinə görə, bu, 1 715 291 nəfər deməkdir.
-
Moskva Ermənistan və Azərbaycan arasında sərhədin delimitasiyası və demarkasiyası məsələsində yaxşı irəliləyiş olduğunu qeyd edir, bu barədə çərşənbə günü RF-nin baş naziri Aleksey Overçuk jurnalistlərə bildirib.
Rəy yaz