Fəal Laçın Vəliyev koloniyada quru aclıq edir
Fəal Laçın Vəliyev koloniyada quru aclıq edir
Fəal Laçın Vəliyev üçüncü gündür ki, 10 saylı koloniyada quru aclıq edir. Bu barədə onun xanımı Zülfiyə Vəliyeva bildirib.
Onun sözlərinə görə, Laçın Vəliyev Avropa İnsan Hüquqları Məhkəməsinin təyin etdiyi kompensasiyanı almaq üçün etibarnamənin xanımına verilməsinin qadağan olunmasına etiraz edir.
Bundan əlavə, Vəliyev böyrək xəstəliyilə əlaqədar tibbi yardımdan imtinaya etiraz edir.
Aclığın üçüncü günündə Vəliyevin vəziyyəti pisləşib, fəalın xanımı bildirib.
Vəliyev digər məhbuslardan təcrid olunmayıb.
Vəkil Nemət Kərimli Turan-ın müxbirinə bildirib ki, etibarnamənin verilməsinə imkan yaradılması ilə bağlı Ədliyyə Nazirliyindən nazirin imzası ilə məktub daxil olsa da, etibarnaməni verməkdən imtina edirlər.
Penitensiar Xidmətdən şərh almaq mümkün olmayıb.
* Laçın Vəliyev 2021-ci ilin martında "külli miqdarda narkotik maddənin qanunsuz dövriyyəsi" ittihamı ilə həbs edilib. Sonradan "dələduzluq" ittihamı irəli sürülüb və 7,5 il həbs cəzasına məhkum edilib.
Hüquq müdafiəçilərinin fikrincə, Vəliyevin həbsinin əsl səbəbi müxalifətyönlü fəaliyyətidir. O, əvvəll Müsavat Partiyasının üzvü, sonra isə Xalq Cəbhəsi Partiyasının tərəfdarı olub.
Vəliyev 15 iyul 2020-ci ildə Bakıda keçirilən küçə mitinqlərindən sonra saxlanılıb. 2023-cü ilin sentyabrında Avropa İnsan Hüquqları Məhkəməsi Vəliyevin məhkəmədən əvvəlki ilkin həbsini qanunsuz sayaraq ona 3500 avro kompensasiya ödənilməsini qərara alıb.
Qeyd edək ki, hökumət Laçın Vəliyevin hüquqlarının pozulmasını birtərəfli qaydada tanıyıb və mənəvi ziyanı ödəməyə hazır olduğunu bildirib.
-
- Siyasət
- 27 May 2024 17:21
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz