![Fərəməz Allahverdiyev aclıq aksiyasına başlayır](https://turan.az/resized/750/500/resize/media/2013/main/030400030594.jpg)
Fərəməz Allahverdiyev aclıq aksiyasına başlayır
Hazırda həbsdə olan jurnalist Fərəməz Allahverdiyev martın 5-dən ağzını tikməklə aclıq aksiyasına başlayacaq.
Vəkil Fariz Namazlının Turan-a verdiyi məlumata görə, jurnalist bu aksiya ilə Ali Məhkəmənin 19 fevral 2013-cü l tarixli qərarına etiraz edir. Məhkəmə həmin tarixdə jurnalistin Apellyasiya Məhkəməsinin barəsində çıxardığı hökmdən verdiyi şikayətə onun iştirakını təmin etmədən baxaraq qərar verib.
Vəkil bildirib ki, martın 15-də Apellyasiya Məhkəməsində məhkəmə baxışı keçiriləcək və jurnalist prosesdə iştirak etməyəcəyini bəyan edib.
F.Allahverdiyev 2012-ci il aprelin 17-də həbs olunub. Avqustun 22-də Nizami Rayon Məhkəməsinin qərarı ilə 318 (sərhədi qanunsuz keçmə) və 220-ci (kütləvi iğtişaşlara çağırış) maddələr üzrə 4,5 il müddətinə azadlıqdan məhrum edilib. Noyabrda F.Allahverdiyevin apellyasiya şikayətinə baxılıb və məhkəmə çəkişməsindən imtina edilib.
Fərəməz Allahverdiyev əvvəllər də bir neçə dəfə müxtəlif maddələrlə, o cümlədən hökumətin ünvanına tənqidi materiallar dərc etdirdiyinə görə böhtan ittihamı ilə həbs edilib. -16B06-
-
- Cəmiyyət
- 4 Mart 2013 16:07
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz