![Fəvvarələr Meydanında aksiya ləğv edilib](https://turan.az/resized/media/2013/main/122700063598-750-500-resize.webp)
Fəvvarələr Meydanında aksiya ləğv edilib
Dekabrın 28-də saat 15:00-da Fəvvarələr Meydanında təyin olunmuş “Qaziləri yandırmayın!” şüarı altında aksiya ləğv edilib. Aksiya ikinci qrup Qarabağ əlili Zaur Həsənovun özünü yandırmasına etiraz olaraq keçirilməliydi.
Lakin dekabrın 27-də Həmkarlar İttifaqları Konfederasiyası dağıdılmış kafeyə görə əlilə 100 min manat həcmində kompensasiyanın verildiyini, uşaqları yetkinlik yaşına çatana qədər əlilin ailəsinə yardımın göstəriləcəyi, Z.Həsənovun və onun həyat yoldaşının gələcəkdə işlə təmin olunacağını bəyan etdikdən sonra təşkilatçılar aksiyanı ləğv ediblər.
Facebook-da “Qaziləri yandrmayın!” qrupunun yaradıcısı, Qarabağ müharibəsi əlili, Azərbaycan Xalq Cəbhəsi Partiyasının Rəyasət Heyətinin üzvü Asif Yusifli bildirib ki, “müxtəlif Qarabağ müharibəsi veteranları təşkilatları arasında məsləhətləşmələrdən sonra irəli sürülən tələblər yerinə yetirildiyinə görə aksiya ləğv edilib”.
A.Yusifli bildirib ki, “aksiya öz məqsədinə nail oldu”.
“Problemə dövlət başçısı səviyyəsində münasibət bildirilib. Təhqiqat başlayıb. Z.Həsənovun səhhətinin bərpasının təminatı üzrə yüksək səviyyədə öhdəliklər qəbul edilib. Maddi zərər ödənilir və maliyyə yardımının göstərilməsi davam etdiriləcək. Bunları nəzərə alaraq hesab edirik ki, məqsədimizə nail olduq. Bizim aksiyanı dəstəkləyənlərin hamısına təşəkkür edirik. Bununla yanaşı hakimiyyətin nəzərinə çatdırırıq ki, Qarabağ müharibəsi əlillərinin hüquqlarının və sosial müdafiəsi üzrə kardinal tədbirlər qəbul edilməlidir. Onlar öz problemlərinin həlli üçün özlərini yandırmamalıdırlar. Hakimiyyət dərhal Qarabağ müharibəsi əlillərinin problemlərinin həlli üzrə tədbirlər görməlidir”, - A.Yusifli biıdirib.—06D--
-
- Cəmiyyət
- 27 Dekabr 2013 22:00
Siyasət
-
Sentyabrın 1-də keçiriləcək Milli Məclisə növbədənkənar seçkilərdə deputatlığa namizəd olmaq üçün 806 nəfər dairə seçki komissiyalarına müraciət edib. Bu barədə Mərkəzi Seçki Komissiyasının (MSK) bugünki iclasında bu qurumun rəhbəri Məzahir Pənahov bildirib.
-
Cümə günü Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam edib. Məhkəmə Yasamal Rayon məhkəmə iclasının katibinin iki il əvvəl Hacıyev və zərərçəkmiş Ülviyyə Muradova (Alovlu) arasında münaqişə haqqında ifadəsini dinləyib.
-
35 gündür aclıq edən iqtisadçı Fazil Qasımov 1 saylı Bakı İstintaq Təcridxanasının tibbi sanitar hissəsinə keçirilib, bu barədə Turan-a iyulun 19-da günün ikinci yarısında vəkil Rövşanə Rəhimova bildirib.
-
Tbilisidə yerləşən Hüquq və Azadlıqların Müdafiəsi İnstitutu Azərbaycanın Azel.tv saytının təsisçisi Əfqan Sadıqovun üçüncü ölkələrə getməsinə qadağa qoyulması ilə əlaqədar bəyanat yayıb.
Rəy yaz