Frank Şvabe: “Azərbaycan Avropa Şurası Parlament Assambleyasında səsvermə hüququnun qaytarılmaması üçün hər şeyi edir”
Frank Şvabe: “Azərbaycan Avropa Şurası Parlament Assambleyasında səsvermə hüququnun qaytarılmaması üçün hər şeyi edir”
Avropa Şurası Parlament Assambleyasında Azərbaycan nümayəndə heyətinin səsvermə hüququnun qaytarılması Avropa Şurasının tələblərinin yerinə yetirildiyi halda mümkündür. Ancaq hələ ki Bakı belə istək nümayiş etdirmir. Bu barədə almaniyalı deputat, Azərbaycan nümayəndə heyətinin səsdən məhrum edilməsi barədə qərarın təşəbbüskarlarından biri Frank Şvabe Turan agentliyinə müsahibəsində bildirib.
"Əgər siz Avropa Şurası Parlament Assambleyasının yanvar sessiyasında qəbul edilmiş hesabatı diqqətlə oxumusunuzsa, biz qeyd etdik ki, nümayəndə heyəti bir il müddətinə səsvermə hüququndan məhrum edilib. Biz başqa qərarı nəzərdən keçirməyə hazır olacağıq, ancaq bir şərtlə ki, Azərbaycan Avropa Şurasının qaydalarına tam əməl etməyə hazır olsun. Təəssüf ki, hələlik bunun əksini görürük. Son aylardakı hadisələri yada salmaq kifayətdir – “Toplum” TV jurnalistlərinin həbsi, çox xəstə olan Qubad İbadoğlunu azad etməkdən imtina. Bunların hamısı bizim nəzərə aldığımız çox aydın siqnallardır", - deputat deyib.
AŞPA-ya üzv bəzi ölkələrin Azərbaycan nümayəndə heyətinin səsvermə hüququnun qaytarılması məsələsini qaldırması gözlənilirmi? Bu sualın cavabında Şvabe deyib ki, belə diplomatik təzyiqdən xəbəri var.
"Ancaq Avropa Şurası Parlament Assambleyası alver yeri deyil, bu, prinsiplərin, qaydaların və dəyərlərin mövcud olduğu təşkilatdır. Son aylarda biz bir daha gördük ki, Azərbaycan bu qaydaları tanımır və onlara əməl etmir. Əksinə, biz əks istiqamətdə addımlar gördük, xüsusən də bu ilin yanvarından sonra", - Frank Şvabe qeyd edib.
Rəy yaz
-
- Cəmiyyət
- 17 Aprel 2024 15:04
Siyasət
-
"Abzas Media" nəşrinin əməkdaşlarına qarşı cinayət işi üzrə həbs olunan jurnalist Elnarə Qasımovanın həbs qətimkan tədbirinin ev dustaqlığı ilə əvəz olunması barədə vəsatəti təmin edilməyib.
-
Azərbaycanda Seçkilərin Monitorinqi Mərkəzinin rəhbəri Anar Məmmədlinin saxlanması müstəqil jurnalistlər və fəalların həbsləri silsiləsinin sonuncusudur və Avropa İttifaqı üçün narahatlıq doğurur. Bu barədə Aİ-nin Xarici Əlaqələr və Təhlükəsizlik Siyasəti Xidmətinin mətbuat katibi Peter Stano X platformasında yazıb.
-
2024-cü il aprelin sonlarına olan məlumata görə, Azərbaycan və Ermənistan arasında sərhədin delimitasiyası üçün zəruri olan geodeziya ölçmələrinin yarısından çoxu yerinə yetirilib və artıq 35 sərhəd postu quraşdırılıb. Rəsmi şəxslərin sözlərinə görə, bu hadisə iki keçmiş sovet respublikası arasında sərhədlərin müəyyən edilməsi üzrə mürəkkəb prosesdə irəliyə doğru əhəmiyyəli addımıdr.
-
Bazar ertəsi ABŞ Dövlət Departamenti Bakıda Seçkilərin Monitorinqi Mərkəzinin rəhbəri Anar Məmmədlinin saxlanılmasına münasibət bildirib.
Gürcüstanda “rus qanunu”na etirazlar nə ilə nəticələnəcək? – Natiq Cəfərli Çətin sualda
InvestPro Azerbaijan Baku & Turkiye Istanbul 2024 – two conferences in one shot
Xəbər lenti
-
- Söz istəyirəm,
- 13:32
- 131
1 rəy
Акпер
2024-04-18
Ну почему мы такие дебилы???