mfa.gov.az
Fransa nümayəndə heyətinin Xankəndinə səfərinin qanunsuz olması Frederik Mondoloninin diqqətinə çatdırılıb
Bakı/16.09.21/Turan: Bu gün Azərbaycanın xarici işlər naziri Ceyhun Bayramov Fransanın Avropa və Xarici İşlər Nazirliyinin Kontinental Avropa İdarəsinin Direktoru Frederik Mondoloninin rəhbərlik etdiyi nümayəndə heyətilə görüşüb.
Görüş zamanı tərəflər regionda təhlükəsizlik sahəsində mövcud vəziyyəti, o cümlədən üçtərəfli bəyanatlarım (Azərbaycan, Ermənistan və Rusiya arasında 10 noyabr 2020 – ci il və 11 yanvar 2021-ci il tarixli – qeyd Turan) reallaşdırılmasını, beynəlxalq təşkilatlarla əməkdaşlıq və digər mövzuları müzakirə ediblər.
Həmçinin tərəflər Azərbaycan-Fransa ikitərəfli əməkdaşlığının gündəliyinə dair fikir mübadiləsi aparıb, əlaqələrin inkişafı üçün mövcud potensialın olduğunu və bu məsələdə qarşılıqlı marağın olduğunu qeyd ediblər.
Nazir Bayramov Fransa Milli Məclisinin bəzi üzvlərinin Xankəndinə qanunsuz səfərinə diqqət yetirib, bu cür addımların müharibədən sonra regionda sülh quruculuğu üzrə səylərə xələl gətirdiyini vurğulayıb.
Görüşdə qarşılıqlı maraq doğuran digər məsələlər də müzakirə olunub.—06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz