Fransa səfiri Bakıya qayıdıb
İki həftədir Bakıda olmayan Fransa səfiri Ann Buayon geri qayıdıb. O, Bakı və Paris arasında münasibətlərin kəskin pisləşməsi ilə əlaqədar "məsləhətləşmələr aparmaq üçün" Fransa prezidenti tərəfindən geri çağırılmışdı.
Fransa Azərbaycanın "ikitərəfli münasibətlərə xələl gətirən hərəkətlərdə" ittiham edib.
Bundan əvvəl Azərbaycan hakimiyyəti iki Fransa diplomatını ölkədən çıxarıb, daha əvvəl isə fransalı biznesmeni casusluq ittihamı ilə həbs edib.
Öz növbəsində, Paris Azərbaycan səfirliyindən iki diplomatı geri göndərib.
Son aylar Bakı və Paris arasında qarşılıqlı ittihamların səsləndiyi təbliğat dueli davam edir. Prezident Makronun və Fransa parlamentinin ermənipərəst mövqeyi Bakının narazılığına səbəb olur.
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz