![Fransa Xarici İşlər Nazirliyi vətəndaşları xüsusi zərurət olmadığı halda Azərbaycana getməməyə çağırıb](https://turan.az/resized/news/2024/19IwgsyfAXPq2ixHBhAfFiH2HEhyI3uGhiorvp7B-750-500-resize.webp)
Fransa Xarici İşlər Nazirliyi vətəndaşları xüsusi zərurət olmadığı halda Azərbaycana getməməyə çağırıb
Fransa Xarici İşlər Nazirliyi vətəndaşları xüsusi zərurət olmadığı halda Azərbaycana getməməyə çağırıb
Fransa vətəndaşlarına, o cümlədən ikili vətəndaşlığı olanlara heç bir səbəb olmadan Azərbaycana səfər etmək tövsiyə edilmir. Bu barədə Fransa Xarici İşlər Nazirliyinin 4 sentyabr tarixli məlumatında deyilir.
"Fransa vətəndaşları, o cümlədən ikili vətəndaşlığı olanlar, yaşayanlar və ya tranzit gedənlər Azərbaycanda həbs, özbaşına saxlanma və ədalətsiz məhkəmə çəkişməsi riski altındadır.
Bu risklə əsasən sadə turist səfəri və ya işgüzar səfər edən adamlar da üzləşə bilər. Həbs və ya saxlanma halında əsas hüquqlara hörmət təmin edilmir.
Bundan əlavə, Ermənistanla sərhəd rayonlara, eləcə də keçmiş Dağlıq Qarabağ Muxtar Vilayətinin rayonlarına və keçmiş ətraf rayonlara getmək əvvəlkitək qəti şəkildə tövsiyə edilmir", - məlumatda deyilir.
Öz növbəsində, Azərbaycan Xarici İşlər Nazirliyinin mətbuat xidmətinin rəhbəri Ayxan Hacızadə Fransa Xarici İşlər Nazirliyinin Azərbaycana səfərdən çəkinmək çağırışının "əsaslı olmadığını" bildirib.
"Fransanın belə əsassız, qərəzli qərarı və bəyanatı bu ölkənin Azərbaycanla münasibətləri daha da gərginləşdirmək niyyətindən xəbər verir.
Fransa vətəndaşlarının əsassız saxlanması və həbs edilməsilə bağlı Fransa Avropa və Xarici İşlər Nazirliyinin iddialarının heç bir əsası yoxdur", - Hacızadə deyib.
Onun sözlərinə görə, hazırda Azərbaycanda iki nəfər Fransa vətəndaşı həbsdədir. Onlardan biri, Martin Rayan casusluq ittihamı ilə həbs edilib.
Digəri, Klerk Teqo Hüqo Bakı metrosunda əmlaka (vaqonlarda qraffiti) ziyan vurduğuna görə həbs edilib.
Ayxan Hacızadə Fransanı "Azərbaycana qarşı qarayaxma kampaniyasına son qoymağa" çağırıb.
-
- Cəmiyyət
- 4 Sentyabr 2024 15:45
-
- İqtisadiyyat
- 4 Sentyabr 2024 16:12
Siyasət
-
Ermənistanın xarici işlər nazirinin müavini Mnatsakan Səfəryan təsdiqləyib ki, Ermənistanın Sünik vilayəti (Zəngəzur dəhlizi) vasitəsilə nəqliyyat kommunikasiyalarının təhlükəsizliyinə nəzarət özəl təhlükəsizlik agentliklərinə verilə bilər.
-
Bazar günü Azərbaycanda keçirilmiş növbədənkənar parlament seçkiləri prezident İlham Əliyevin Yeni Azərbaycan Partiyasına gözlənilən qələbəni gətirdi. Eyni zamanda, "marionet və ya cib müxalifəti qrupları" olan digər partiyaların nümayəndələri də 125 yerlik parlamentə keçib. Bu barədə Norveç Helsinki Komitəsinin sentyabrın 4-də yaydığı bəyanatda deyilir.
-
III Respublika Platforması sentyabrın 1-də keçirilən növbədənkənar parlament seçkilərilə bağlı mövqe sənədini açıqlayıb. Sənəddə seçki mühitinin qeyri-azad və ədalətsiz olduğu, səsvermənin toral saxtakarlıq şəriatində keçirildiyi bildirilır.
-
Sentyabrın 4-də Jurnalistlərə Ədalət Beynəlxalq Fondu 2023-cü ildə keçmiş SSRİ ölkələrində jurnalistlərin hüquqlarının pozulmasına dair hesabat dərc edib. Hesabatdakı məlumatlardan açıq mənbələrdə istifadə olunub.
Rəy yaz