Fransa Xarici İşlər Nazirliyinin rəhbəri Laçın yolu ilə hərəkətin bərpasını tələb etmək üçün Bakıya gəlir

Bakı/25.04.23/Turan:  Fransanın Avropa və xarici işlər naziri Ketrin Kolonna aprelin 26-28-də Azərbaycan, Ermənistan və Gürcüstanda səfərdə olacaq, Fransa Xarici İşlər Nazirliyinin məlumatında deyilir.

Səfər zamanı Fransanın ərazi bütövlüyünə və beynəlxalq hüquq prinsiplərinə hörmət edən ədalətli, davamlı sülh üçün iki ölkə arasında danışıqları dəstəkləmək öhdəliyi qeyd ediləcək. “O həmçinin Dağlıq Qarabağın erməni əhalisinin hüquqlarının təmin edilməsini və Laçın dəhlizi ilə hərəkətin dərhal bərpa olunmasını tələb edəcək”, - məlumatda deyilir.

Nazir Bakıda prezident İlham Əliyev və xarici işlər naziri Ceyhun Bayramovla görüşəcək. Həmçinin 1990-cı il 20 yanvar sovet repressiyası qurbanlarının xatirəsini ehtiramla yad edəcək.

O, Yerevanda baş nazir Nikol Paşinyan və xarici işlər naziri Ararat Mirzoyanla görüşəcək. Avropa İttifaqının Müşahidə Missiyasının Cermuxdakı qərargahına baş çəkəcək.

Aprelin 28-də nazir Gürcüstana səfər edəcək. Respublika prezidenti Salome Zurabişvili, baş nazir İrakli Qaribaşvili və xarici işlər naziri İlya Darçiaşvili ilə danışıqlar zamanı ölkələrin Avropa İttifaqı ilə yaxınlaşmasında zəruri olan qanunun aliliyi sahəsində islahatlara və vətəndaş məkanının qorunmasına dəstəyini qeyd edəcək. 0