![Front Line Defenders: «Azərbaycanda hüquq müdafiəçiləri basqı altında fəaliyyət göstərirlər»](https://turan.az/resized/media/2017/main/011700180537-750-500-resize.webp)
Front Line Defenders: «Azərbaycanda hüquq müdafiəçiləri basqı altında fəaliyyət göstərirlər»
“Sumqayıt Gənclərinin Hüquqi Maarifləndirilməsi” İctimai Birliyinin prezidenti, hüquq müdafiəçisi Elçin Məmməd Avropa səfəri davam edir. Səfər çərçivəsində bir sıra görüşlər keçirən hüquq müdafiəçisi Azərbaycandakı insan hüquqlarının vəziyyətindən və təmsil etdiyi QHT-nin fəaliyyətindən danışıb. Bu barədə Elçin Məmməd “Turan”a məlumat verib və qeyd edib ki, hazırda Belçikada səfərdədi, görüşlərini davam etdirir.
Hüquq müdafiəçisi Elçin Məmməd Brüsseldə “Front Line Defenders”in Avropa Birliyi ofisinin rəhbəri Emma Achilli, “Protect Defenders” insan hüquqları təşkilatının rəsmiləri Joan Audierne və Tommaso Mignani, həmçinin “International Partnership for Human Rights” təşkilatının department rəhbəri Tinatin Tsertsvadze ilə görüşüb.
FLD rəsmisi Emma Achilli təmsil etdiyi qurumun fəaliyyətindən və dünyada risk altında olan hüquq müdafiəçilərinin müdafiəsi strategiyasından danışıb. Onun sözlərinə görə, Azərbaycan kimi avtoritar ölkələrdə insan hüquqlarının durumu ürək açan deyil və hüquq müdafiəçiləri daim basqı altında fəaliyyət göstərirlər. E.Achilli həmçinin bildirib ki, hüquq müdafiəçiləri təkcə ölkə daxilində yox, xaricdə də mütəmadi olaraq təqib edilirlər və bu onları narahat edir.
“Protect Defenders” insan hüquqları təşkilatının İcraçı direktoru Joan Audierne və qurumun digər rəsmisi Tommaso Mignani də görüşü yüksək qiymətləndirdiklərini və Azərbaycandakı insan hüquqlarının vəziyyətindən narahat olduqlarını bildiriblər. Siyasi məhbuslar məsələsinə toxunan qurumun rəsmiləri prosesləri diqqətlə izlədiklərini və ölkədə 100-dən çox siyasi məhbusun olduğunu bildiriblər.
“International Partnership for Human Rights” təşkilatının department rəhbəri Tinatin Tsertsvadze isə Azərbaycanda internet azadlığı məsələsinə toxunub və qeyd edib ki, qanunlarda edilən son dəyişikliklər ifadə azadlığı hüququ ilə bağlı əməllərin daha da sərt cəzalandırılmasını nəzərdə tutur.
Görüşü yüksək qiymətləndirən hüquq müdafiəçisi Elçin Məmməd qeyd edib ki, belə hüquq müdafiə təşkilatlarının uğurlu təcrübəsi onların gələcək fəaliyyətinə müsbət təsir edəcəkdir. Azərbaycandakı hüquq müdafiəçilərinin risk altında fəaliyyət göstərdiyini bildirən QHT rəhbəri, ölkə xaricində də fəallara qarşı təzyiqlərin olduğunu dilə gətirib. Onun sözlərinə görə, siyasi fəallar fiziki izlənməyə və sıxışdırmalara məruz qalırlar, bu məsələyə diqqət yetirilməsi vacibdir.
Elçin Məmməd siyasi məhbus məsələsinə də toxunub və qeyd edib ki, Azərbaycandakı avtoritar mühit çoxlarını bu işləri açıqlamaqdan çəkinməyə vadar edir. Hüquq müdafiəçisinin sözlərinə görə, digər problem hüquqi məlumatlılığın olmaması, vəkil çatışmazlığıdır və bu vəziyyət regionlarda daha pisdir, müdafiə hüququnun mexanizmləri yoxdur.
Son dövrlərdə ifadə azadlığı ilə bağlı qanunlarda edilən dəyişiklərə toxunan Elçin Məmməd bildirib ki, cəzaların daha da sərtləşdirilməsini ölkəmizin Konstitusiyasına, insan hüquq və azadlıqlarının müdafiəsi ilə bağlı qanunlara, Azərbaycanın tərəfdar çıxdığı beynəlxalq müqavilələrə, özəlliklə də Avropa İnsan Haqları Konvensiyasına, Avropa Məhkəməsinin presedent hüququnun tətbiqi ilə bağlı öhdəliklərə ziddir.—06D--
-
- İqtisadiyyat
- 17 Yanvar 2017 12:31
Siyasət
-
Sentyabrın 1-də keçirilən növbədənkənar parlament seçkilərində Azərbaycan Prezidenti İlham Əliyevin rəhbəri olduğu Yeni Azərbaycan Partiyası (YAP) ekzit-poll nəticələrinə əsasən Milli Məclisdə yebidən mütləq çoxluğa malik olacaq.
-
Sentyabrın 1-də Azercell mobil operatorunun mobil interneti vasitəsilə naməlum səbəblərdən Turan agentliyinin saytına daxil olmaq mümkün deyil.
-
Məlimatda deyilir, ki 94 saylı Ucar seçki dairəsinin 2, 4, 9 cu seçki məntəüələrində “ karusel” əməliyyatını “onbaşı” və “yüzbaşı” lar həyata keçirir. Prosesə din xadimləri də cəlb edilib. “Karusel” əməliyyatına etraz edən Müsavat Partiyasının deputatlığa namizədi Zakir İsmayıl polislə hədələnib.
-
Azərbaycan Mərkəzi Seçki Komissiyasının məlumatına görə, saat 10.00-a olan məlumata görə, növbədənkənar parlament seçkilərində seçici fəallığı 9,92 faiz təşkil edib.
Rəy yaz