Müsavat Partiyası başqanının müavini, partiyanın Seçki Departamentinin rəhbəri Gülağa Aslanlı 16-18 may tarixlərində İtaliyanın Milan şəhərində səfərdə olub. Bu haqda Turan-a partiyadan bildirilib.
Avropa Siyasi Məsləhətçiləri Assosiasiyasının (EAPC) dəvətilə bu təşkilatın XVIII konfransına qatılan G.Aslanlı tədbirdə Azərbaycanda seçkilərin durumuna dair məruzə edib.
G.Aslanlı çıxışında rəsmi Bakı tərəfindən yaradılan qeyri-demokratik seçki mühiti, bir nəfərin iki dəfədən artıq prezident seçilməsinə icazə verilməsi kimi demokratiyaya zidd müddəanın qəbul olunması haqda danışıb. Avropanın müxtəlif ölkələrini təmsil edən konfrans iştirakçılarına 2013-cu ilin oktyabrında Azərbaycanda keçirilməsi gözlənilən prezident seçkilərində beynəlxalq müşahidəçi kimi iştirak etmələri, seçki günü seçki məntəqələrində prosesi sona kimi izləmələrinin məqsədəuyğun olduğu nəzərə çatdırılıb.
Konfransın sonunda G.Aslanlı bu qurumun üzvlüyünə qəbul olunub. Məruzəsinin tezislərinin qurumun veb-saytında yerləşdirilməsi qərara alınıb. -05D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz