![General İlker Başbuğ Konstitusiya Məhkəməsində mühakiməyə hazırlaşır](https://turan.az/resized/750/500/resize/media/2014/main/012400066580.jpg)
General İlker Başbuğ Konstitusiya Məhkəməsində mühakiməyə hazırlaşır
Ömürlük həbs cəzası almış Türkiyə Hərbi Qüvvələri Baş Qərargahın keçmiş rəisi İlker Başbuğun vəkili bu gün Konstitusiya Məhkəməsinə müraciət edib. Bu xəbəri Türkiyənin xəbər saytları yayıblar.
Həbsdə olan general bu müraciətinə səbəb kimi CHP və MHP-dən olan millət vəkillərinin onun sərbəst buraxılması və yenidən mühakiməsi ilə bağlı müzakirələrini göstərib.
“Konstitusiya Məhkəməsinə müraciət edəcəyəm, indiyə qədər etməmişdim, düşünmürdüm, amma qərarımın doğru olduğu düşüncəsindəyəm. Yenidən mühakimə olunmaq məsələsinə “indiyə kimi niyə ağıllarına gəlmədi, işin hüquqsuz olduğunu indimi qəbul edirlər?” kimi yanaşması doğru deyil. Bunlar keçmişdə qaldı, əgər indi qəbul olunursa o zaman irəliyə baxmaq, xətaları düzəltmək, artıq Konstitusiya Məhkəməsində mühakimə olunmaq lazımdır”, - İ.Başbuğ müxalifət partiyasından olan millət vəkillərilə görüşündə söyləyib.
2003-cü ildə hakimiyyətə gələn Ərdoğan iqtidarı Türkiyə hərbi qüvvələri rəhbərlərini dövlət çevrilişlərində ittiham etməyə başlayıb. Onları qanunsuz silahlı dəstələr yaratmaqda, məscidlərdə partlayışlar törətmək cəhdlərində ittiham ediblər. Bir çox türk zabitləri bu ittihamları özlərinə təhqir sayaraq intihara əl atıblar.
“Erkenekon” və “Balyoz” şərti adları altında keçirilən əməliyyatlar zamanı Tükriyə hərbi qüvvələrinin generallar da daxil olmaqla, çox sayda yüksək rütbəli zabitləri, elm adamları, jurnalistlər həbsə alınıb.-05D-
Siyasət
-
Çərşənbə axşamı Yeni Azərbaycan Partiyasının İdarə Heyəti Milli Məclisə sentyabrın 1-də keçiriləcək növbədənkənar seçkilərdə bu təşkilatın deputatlığa namizədlərinin siyahısını açıqlayıb.
-
Azərbaycan prezidenti İlham Əliyev çərşənbə axşamı “Dövlət qulluğu haqqında” Qanuna dövlət sektorunda inzibati və yardımçı vəzifələrin təsnifatının dəqiqləşdirilməsinə yönəlmiş düzəlişlərin edilməsi haqqında fərman imzalayıb.
-
Azərbaycanda “Şəhid adının əbədiləşdirilməsi və şəhid ailələrinə edilən güzəştlər haqqında” qanuna hərbi qulluqçulara və müharibə əlillərinə dəstəyin artırılmasına yönəlmiş düzəlişlər qəbul edilib.
-
Azərbaycanın milli qanunverici orqanı olan Milli Məclis Azərbaycan Respublikası Konstitusiyasının 94-cü maddəsinə uyğun olaraq Ailə Məcəlləsinə dəyişiklikləri təsdiq edib. Azərbaycan vətəndaşları üçün xaricdə nikah prosedurlarının sadələşdirilməsinə yönəlmiş dəyişikliklər son qanunvericiliyə uyğun olaraq 2024-cü ilin mart və may aylarında qəbul edilib.
Rəy yaz