“Gülünc!” – ABŞ Lavrovun Buça haqqında yalanına cavab verib

Cümə axşamı Dövlət Departamenti Qərbin guya "Buçada Rusiya hərbi cinayətlərinin “səhnələşdirilməsiniə” təşkil etməsilə bağlı Rusiyanın xarici işlər naziri Sergey Lavrovun son ittihamlarına reaksiya verib, Turan-ın Vaşinqton müxbiri bildirib.

"Qərbin Rusiyanın Ukraynaya qarşı törətdiyi böyük dağıntıları “səhnələşdirməsilə” bağlı iddialar sadəcə, gülüncdür", -ABŞ Dövlət Departamentinin mətbuat katibinin müavini Vedant Patel brifinqdə Turan-ın sualını cavablandırarkən deyib.

2022-ci ildə BMT İnsan Hüquqları üzrə ali komissarı Ukraynanın Buça şəhərində onlarla dinc sakinin kütləvi edamlarını sənədləşdirib. Qırğına dair foto və videosübut 1 aprel 2022-ci ildə Rusiya qoşunlarının şəhərdən çıxarılmasından sonra yayılıb.

Bu həftənin əvvəlində Lavrov BMT tribunasına çıxıb və Bucadakı müharibə cinayətlərinin "Qərbin səhnələşdirdiyini" söyləyib.