Gürcü Arzusu Partiyası "Xarici agentlər haqqında" qanunu birinci oxunuşda qəbul edib
Davam edən miqyaslı etiraz aksiyaları fonunda aprelin 17-də hakim Gürcü Arzusu Partiyasının parlament çoxluğunun üzvləri Rusiya qanununu birinci oxunuşda qəbul ediblər.
İlk dəfə olaraq analoji qanun layihəsi 2023-cü ilin martında hakim partiya tərəfindən qəbul edilib, lakin etirazlardan sonra qanun layihəsi ikinci oxunuşda uğursuz olub. Bundan sonra hökumət xalqa vəd verib ki, bu qanuna bir daha qayıtmayacaq. Ancaq düz bir il sonra başqa ad altında eyni qanuna yenidən təşəbbüs göstərilib.
Rusiya qanununun qəbul edilməsi bütün beynəlxalq tərəfdaşlar və dost ölkələrin liderləri tərəfindən ölkənin avrointeqrasiyasına təhlükə kimi qiymətləndirilib. Müxtəlif sahələrin nümayəndələri - idmançılar, aktyorlar, rejissorlar, yazıçılar, akademik sahənin nümayəndələri, tələbələr və başqaları qanunun qəbulunun əleyhinə olublar.
Siyasət
-
Aprelin 30-da Xətai Rayon Məhkəməsi Seçkilərin Monitorinqi və Demokratiyanın Tədrisi (SMDT) Mərkəzinin rəhbəri Anar Məmmədlini 3 ay 28 gün müddətinə həbs edib. Bu barədə Turan-a onun vəkili Elmar Süleymanov bildirib.
-
Rusiya sülhməramlılarının Qarabağda mərhələli şəkildə çıxarılması prosesi davam edir. Gəncə şəhəri yaxınlığındakı Qoran dəmir yolu stansiyasına vaxtaşırı zirehli texnika, xüsusi texnika, yanacaq tankerlərindən ibarət avtomobil karvanları gəlir. Texnika şəxsi heyətlə birlikdə platformalara yükləndikdən sonra Rusiyaya yola düşür.
-
Çərşənbə axşamı Bakı Ağır Cinayətlər Məhkəməsində həmkarlar ittifaqı fəalı Afiyəddin Məmmədov ifadə verib və öz həbsini həmkarlar ittifaqı çərçivəsində fəaliyyəti ilə əlaqələndirib.
-
Bu gün Bakının Səbail Rayon Məhkəməsində Turan Agentliyinin "iqtisadi xəbərlər" şöbəsinin redaktoru Hafiz Babalının ATV telekanalına qarşı iddiası üzrə proses başa çatıb.
Rəy yaz