Bakı/26.02.18/Turan: Bu gün Gürcüstan prezidenti Giorgi Marqvelaşvili azərbaycanlı əhalinin sıx yaşadığı Marneuli rayonunda sakinlərlə görüşüb. Görüş "Müstəqillikdən azadlığa -respublikanın 100 illiyi" kampaniyası çərçivəsində baş tutub. O, ölkənin etnik azlıqlarını Gürcüstanın Müstəqillik Gününü fəal şəkildə qeyd etməyə çağırıb. Prezident deyib ki, Gürcüstan Rusiya imperiyasından xilas ola bilsə də Rusiya Gürcüstanı rahat buraxmayb və ölkənin ərazisini işğal edib, "Novosti-Gürcüstan" bildirib.
Görüş iştirakçıları G.Marqvelaşviliyə Xocalı faciəsi qurbanlarının xatirəsini anmağı təklif ediblər. Ancaq Gürcüstan prezidenti bunu etməyib, yalnız onu deyib ki, Ermənistan-Azərbaycan münaqişəsi ətrafında vəziyyəti izləyir və Gürcüstan problemin sülh yolu ilə nizamlanmasına tərəfdardır.
O, azərbaycanlıların Gürcüstanda assimilyasiya olunması ilə bağlı sualı da mənfi cavablandırıb.
"Gürcüstanda yaşayan etnik azərbaycanlılar assimilyasiya olunmur. Dövlət gürcü dilinin milli azlıqlar tərəfindən öyrənilməsinə vəsait ayırır. Hər il Marneulidə Novruz bayramı geniş qeyd olunur. Gürcüstanda Azərbaycanın milli adət-ənənələri yaşadılır və bu sahədə heç bir məhdudiyyət yoxdur"", - vurğulayıb.-02D-
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz