Gürcüstan prezidenti – Rusiya Avrasiyanın yarısında sabitliyi poza bilər

Gürcüstan prezidenti Georgi Margvelaşvili bildirib ki, lazım gələrsə, Rusiya Avrasiyanın yarısında sabitliyi poza bilər. Amma o, növbəti münaqişənin harada baş verəcəyini anlamağa çalışmamağı təklif edib.

EUobserver nəşrinə müsahibəsində Margvelaşvili bildirib ki, Ukraynada müharibə Rusiyanın regionda öz təsirini qoruyub saxlamaq üçün qonşu ölkələrdə dondurulmuş münaqişələrdən hər birini fəallaşdırmağa hazır olduğunu göstərib. “O (Rusiya), lazım gələrsə, Avrasiya qitəsinin yarısında sabitliyi poza bilər”, deyə Gürcüstan prezidenti bildirib.

Onun sözlərinə görə, yeni problemin harada yaranacağını təxmin etməyə çalışmaq lazım deyil. Marqvelaşvili bildirib ki, ən yaxşı həll regionda səmərəli əvvəlcədən xəbərdarlıq sistemi olarıdı. Bu zaman o, NATO-nun hazırda öz məqsədlərini yenidən dəyərləndirdiyi və siyasətinə yenidən baxmağa çalışdığı ilə razılaşıb. “Burada Rusia NATO-nun transformasiyasına təsir edən amillərdən biridir”.

Ötən həftə Gürcüstanın keçmiş baş naziri, Gürcüstan siyasətinə güclü təsir göstərməyə davam edən Bidzina İvanişvili Gürcüstanın GDS telekanalına müsahibəsində Rusiya ilə münasibətləri normallaşdırmaq niyyətindən bəhs edib, bu prosesin uzun olacağını etiraf edib.

“Biz iqtisadiyyatımızı davam etdirməliyik və Rusiyanın və tərəfdaş ölkələrin Gürcüstanın NATO və Avropa İttifaqının üzvü olmasının vaxtı çatdığını dərk edəcəyi və görəcəyi zamanı gözləməlidir. -02D-