![Gürcüstan və Azərbaycan hakimiyyəti Əfqan Muxtarlıya 21 min avro təzminat ödəyəcək - AİHM](https://turan.az/resized/news/2024/8YaUew4HYDHUHUIAvQobd0eJ9xjoaCO5mQey1ii7-750-500-resize.webp)
Gürcüstan və Azərbaycan hakimiyyəti Əfqan Muxtarlıya 21 min avro təzminat ödəyəcək - AİHM
Gürcüstan və Azərbaycan hakimiyyəti Əfqan Muxtarlıya 21 min avro təzminat ödəyəcək - AİHM
Azərbaycanlı jurnalist Əfqan Muxtarlı Avropa İnsan Hüquqları Məhkəməsində (AİHM) Gürcüstana və Azərbaycana qarşı iddianı udub.
AİHM müəyyən edib ki, Gürcüstan oğurlama, amansız rəftar və qanunsuz olaraq Azərbaycana göndərmə haqqında işdə Avropa İnsan Hüquqları Konvensiyasının 3-cü (işgəncələrin qadağan edilməsi) və 5-ci (azadlıq və şəxsi toxunulmazlıq hüququ) maddələrini pozub.
Eyni zamanda, məhkəmə Azərbaycanın Konvensiyanın 5 (3) (azadlıq və şəxsi toxunulmazlıq hüququ), həmçinin 8-ci (şəxsi və ailə həyatına hörmət hüququ) maddələri pozduğunu müəyyən edib.
AİHM Muxtarlıya mənəvi ziyana görə təzminat və məhkəmə xərcləri qismində Gürcüstan hökumətinin 12 500 avro, Azərbaycan hökumətinin isə 8500 avro ödəməli olduğu barədə qərar çıxarıb.
Xatırladaq ki, Muxtarlı 2015-ci ildə, Azərbaycan rəhbərliyi ilə bağlı korrupsiya araşdırmalarından sonra Azərbaycanı tərk edib.
29 may 2017-ci il tarixində Tbilisinin mərkəzində onu oğurlayıblar, əl-ayağını bağlayıblar, döyüblər və başına torba keçirərək maşına mindiriblər. Onu bu vəziyyətdə sərhədə gətiriblər və Bakı nümayəndələrinə təhvil veriblər.
Azərbaycanda o, dövlət sərhədini qanunsuz keçməkdə və qaçaqmalçılıqda ittiham olunub və altı il azadlıqdan məhrumetmə cəzasına məhkum edilib.
2020-ci ilin martında Əfqan Muxtarlı sərbəst buraxılıb və Almaniyaya gedib.
Gürcüstan hakimiyyəti Muxtarlının oğurlanmasında iştirak etdiyini və Azərbaycan xüsusi xidmətləri ilə əməkdaşlıq etdiyini inkar edib. Bununla belə, bu hadisədən sonra Gürcüstanda əks-kəşfiyyat və sərhəd xidmətinin rəhbərləri vəzifədən azad edilib.
-
- Cəmiyyət
- 5 Sentyabr 2024 13:15
-
- İqtisadiyyat
- 5 Sentyabr 2024 13:35
Siyasət
-
Sentyabrın 5-də Bakının Səbail Rayon Məhkəməsi tədqiqatçı Bəhruz Səmədovun mənzilində axtarış aparılması ilə bağlı şikayətini təmin etməyib.
-
İsmayıllı Rayon İcra Hakimiyyəti Başçısının İsmayıllı şəhər inzibati ərazi dairəsi üzrə nümayəndəsi Əlişir Süleymanov və rayonunun Diyallı bələdiyyəsinin sədri vəzifəsini icra edən sədr müavini Cahangir Surxayev həbs edilib.
-
Sentyabrın 5-i saat 09:55 radələrində Ermənistan silahlı qüvvələrinin bölmələri Basarkeçər rayonunun Yuxarı Zağalı yaşayış məntəqəsi istiqamətindəki mövqelərindən Azərbaycan Ordusunun Kəlbəcər rayonunun Zivel yaşayış məntəqəsi istiqamətində yerləşən mövqelərini atıcı silahlardan atəşə tutub.
-
Sentyabrın 4-də İsveçin Azərbaycandakı səfiri Tobias Lorenson həbsdə olan ictimai fəal, I qrup əlil Famil Xəlilovun ailə üzvlərini qəbul edib. Görüşdə hüquq müdafiəçisi Rüfət Səfərov da iştirak edib.
Rəy yaz